Yangiliklar
Tadbirlar
145
Toshkent arxitektura-qurilish universitetida Saksoniya Oliy ta’lim delegatsiyasi vakili bilan hamkorlik uchrashuvi bo‘lib o'tdi
Toshkent arxitektura-qurilish universitetida Saksoniya federal yerlarining Oliy ta’lim vazirligi delegatsiyasining O‘zbekistondagi vakolatxonasi rahbari Zlixa Tileuova bilan uchrashuv bo‘lib o‘tdi. Mazkur uchrashuv ikki tomonlama hamkorlikni yo‘lga qo‘yish va uni mustahkamlash maqsadida tashkil etildi. Suhbat davomida Zlixa Tileuova Saksoniya federal yerlarining Oliy ta’lim vazirligi tomonidan ajratilayotgan stipendiyalar haqida batafsil ma’lumot berdi. Ushbu stipendiyalar doirasida Toshkent arxitektura-qurilish universitetining bakalavriat bosqichining 1-, 2- va 3-kurs talabalari hamda magistratura bosqichining 1-kurs talabalari Germaniyada tahsil olish imkoniyatiga ega bo‘lishlari mumkinligi ta’kidlandi. Dasturda ishtirok etish uchun nomzodlardan ingliz tilini kamida B2 yoki nemis tilini B1 darajasida bilishlari talab etiladi. Mazkur imkoniyatdan foydalanishni istagan talabalar universitetning Xalqaro aloqalar bo‘limiga murojaat qilishlari mumkin.
Tadbirlar
143
Toshkent arxitektura-qurilish universitetida “Yashil qurilish” mavzusida davra suhbati bo‘lib o‘tdi
Toshkent arxitektura-qurilish universitetida “Yashil qurilish” masalalariga bag‘ishlangan davra suhbati tashkil etildi. Mazkur tadbirda Rossiya Federatsiyasidan taklif etilgan faxriy mehmon — fan nomzodi, dotsent, Rossiya arxitektura va qurilish fanlari akademiyasi (RAASN) maslahatchisi Andrey Benuj ishtirok etdi.Davra suhbatida quyidagi dolzarb mavzular muhokama qilindi: O‘zbekiston Respublikasida “yashil” qurilishni rivojlantirish strategiyalari;“Yashil” qurilish boʻyicha davlatlararo qoʻmita tashkil etish masalalari;“Yashil” standartlar bo‘yicha normativ-huquqiy bazani yangilash ehtiyoji;Yashil moliyalashtirish mexanizmlarini joriy etish imkoniyatlari.Tadbir doirasida ishtirokchilar barqaror qurilish yondashuvlarini joriy etish, xalqaro tajribalarni o‘rganish va amaliyotga tatbiq etish yuzasidan fikr almashdilar.
Tadbirlar
144
Ochiq dars
2025-yil 3-aprel kuni “O‘zbek tili va adabiyoti” kafedrasi dotsenti Alimova Nigora Sunnatullayeva tomonidan 32-21 PT IK guruhida “Kasbiy ta’lim metodikasi” fanidan “Kasb ta’limi muassasida tarbiyaviy ishlar nazariyasi va amaliyoti” mavzusida ochiq dars o‘tkazildi. Darsda “O‘zbek tili va adabiyoti” hamda “Muhandislik kommunikatsiyalari” kafedralari professor-o‘qituvchilari ishtirok etdi. Ochiq dars interfaol metodlar – “Keys-stadi”, “Nima uchun” sxemasi, “SWOT tahlil”, “Baliq skeleti” hamda zamonaviy texnik vositalar yordamida yuqori saviyada tashkil etildi. Talabalar tarqatma materiallar asosida amaliy mashg‘ulotlarni bajarib, faol ishtirok etdilar. O‘qituvchi tomonidan mavzuga oid taqdimot namoyish etilib, darsning samaradorligi ta’minlandi.
Tadbirlar
131
Toshkent arxitektura-qurilish universiteti Muhandislik fakultetida “Korrupsiyaga qarshi kurash” mavzusida chelenj o'tkazildi
Mazkur chellenjning asosiy maqsadi ta’lim muassasasini korrupsiyadan xoli hududga aylantirish, halollik va adolat tamoyillarini keng targ‘ib qilishdir.
E'lonlar
108
Toshkent arxitektura-qurilish universitetining bilimdon talabalari uchun yangi tanlovni e'lon qilamiz!
O'zbekiston Respublikasi Vazirlar Maxkamasining "Ilhom" mukofotining saralash bosqichida ishtirok eting va asosiy bosqichga yo'llanmaga ega bo'lingSaralash bosqichi adabiyotimiz durdona asarlari, adib, shoir va yozuvchilarning hayoti va ijodini qamrab oluvchi 50 ta test asosida bo'lib o'tadiTanlovning asosiy bosqichida g'olib bo'lgan ishtirokchilar:1-o'rin Spark avtomobili2-o'rin 30 000 000 so'm3-o'rin 15 000 000 so'm pul mukofotlari bilan taqdirlanadi.Murojaat uchun:@Taqu_yoshlarittifoqi_botTAQU 4-bino 3-qavat08.04.2025 soat 14:00 da
Tabrik
262
Bugun – Toshkent arxitektura-qurilish universiteti rektori, hurmatli Tulaganov Bahrom Abdukabilovichning tavallud ayyomlari
Ushbu quvonchli sana munosabati bilan Sizni chin qalbimizdan tabriklaymiz! Universitetimiz professor-o‘qituvchilari, talabalar va barcha xodimlar nomidan Sizga mustahkam sog‘lik, tinimsiz kuch-g‘ayrat, ilmiy va tashkiliy faoliyatingizda ulkan zafarlar tilaymiz. Sizning yetakchiligingizda universitetimiz xalqaro andozalarga mos ravishda taraqqiy etib, yangi yutuqlarga erishmoqda. Ta’lim sifatini oshirish, innovatsion yondashuvlarni joriy etish hamda yosh avlodni zamonaviy bilimlar bilan qurollantirish yo‘lida olib borayotgan fidokorona mehnatingiz tahsinga loyiqdir. Yurtimiz taraqqiyotiga, soha rivojiga qo‘shayotgan bebaho hissangiz bardavom bo‘lsin!Tug‘ilgan kuningiz muborak bo‘lsin, hurmatli Bahrom Abdukabilovich!
Yangiliklar
169
Xalqaro ilmiy-amaliy konferensiya doirasida seminar-trening tashkil etildi
2025-yil 24–25-aprel kunlari Toshkent arxitektura-qurilish universitetida bo‘lib o‘tishi rejalashtirilgan “O‘zbekistonning globallashuv sharoitida arxitektura yodgorliklarining tutgan o‘rni” mavzusidagi xalqaro ilmiy-amaliy konferensiya doirasidagi chora-tadbirlar rejasiga muvofiq seminar-trening tashkil etildi. Mazkur tadbir Germaniya Federativ Respublikasining "Deutsches Fachwerkzentrum Quedlinburg" tashkiloti arxitektor-restavratori Claudia Christina Hennrich ishtirokida o‘tkazildi. Seminar “Arxitektura yodgorliklari” kafedrasi talabalari, magistrantlari hamda doktorantlari uchun mo‘ljallangan bo‘lib, unda arxitektura yodgorliklarini asrash, restavratsiya qilish va zamonaviy yondashuvlar haqida amaliy ma’ruzalar tinglandi hamda tajriba almashildi.
Yangiliklar
172
Toshkent arxitektura-qurilish universiteti va Tojikiston Respublikasi o‘rtasida qo‘shma ta’lim dasturlarini kengaytirish bo‘yicha hamkorlik yo‘lga qo‘yildi
Toshkent arxitektura-qurilish universiteti xorijiy davlatlar bilan qo‘shma ta’lim dasturlari asosida o‘qitishni yanada kengaytirish maqsadida xalqaro miqyosda hamkorlik aloqalarini faollashtirmoqda. 2025-yil 3-aprel kuni universitetning Xalqaro aloqalar bo‘limi boshlig‘i A.T. Nigmatjanova hamda Qo‘shma ta’lim dasturlari bo‘yicha mas’ul G‘.A. Meliqo‘lov Tojikiston Respublikasining Xo‘jand shahrida joylashgan Sanoat va xizmat instituti faoliyati bilan yaqindan tanishish va hamkorlikni yo‘lga qo‘yish maqsadida xizmat safarida bo‘lishdi. Tashrif doirasida bakalavriat ta’lim yo‘nalishlari bo‘yicha qo‘shma ta’lim dasturlari asosida o‘qitishni yo‘lga qo‘yish yuzasidan hamkorlik shartnomalari imzolandi.
Tadbirlar
151
“Yurt taraqqiyoti yo‘lida birlashaylik” shiori ostida “Zakovat” intellektual o‘yini bo‘lib o‘tdi
O‘zbekiston kasaba uyushmalari tashkil topganining 120 yilligi munosabati bilan O‘zbekiston transport, yo‘l va kapital qurilish, qurilish industriyasi xodimlari kasaba uyushmasi Respublika kengashi tashabbusi bilan Toshkent arxitektura-qurilish universitetida “Zakovat” intellektual o‘yini tashkil etildi. Mazkur tadbir “Yurt taraqqiyoti yo‘lida birlashaylik” shiori ostida o‘tkazilib, tarmoq kasaba uyushmasi tizimidagi davlat oliy ta’lim muassasalari talabalari o‘rtasida bilim va tafakkur bellashuviga aylandi. Tadbir avvalida universitet rahbariyati va mehmonlar ishtirokida “Yashil makon” umummilliy loyihasi doirasida manzarali daraxt ko‘chatlari ekildi. Ushbu ezgu tashabbus bayramona ruhni yanada oshirdi. Tadbirning ochilish marosimi davlat madhiyasi ijrosi bilan boshlandi. Shundan so‘ng, hakamlar hay’ati tomonidan jamoalar tanishtirilib, intellektual bellashuvga rasmiy start berildi.“Zakovat” o‘yini do‘stona muhitda, yuqori saviyada o‘tkazildi.Unda Toshkent arxitektura-qurilish universiteti Samarqand davlat arxitektura-qurilish universiteti Toshkent davlat transport universiteti Toshkent kimyo-texnologiyalar instituti Yangiyer filiali jamoalari faol ishtirok etdilar. Bellashuv yakunida Toshkent arxitektura-qurilish universiteti jamoasi g'olib deb topildi. Tadbir yakunida barcha jamoalarga diplom va qimmabaho esdalik sovg‘alari topshirildi.