Yangiliklar
Tadbirlar
194
“INNOPROM. Markaziy Osiyo” V Xalqaro sanoat ko‘rgazmasi doirasida ilg‘or muhandislik maktabi faoliyati taqdimoti o‘tkazildi
2025-yilning 1–3-may kunlari Toshkent shahrida bo‘lib o‘tayotgan “INNOPROM. Markaziy Osiyo” V Xalqaro sanoat ko‘rgazmasi doirasida Ilg‘or muhandislik maktabi faoliyatini tashkil etish bo‘yicha maxsus taqdimot o‘tkazildi. Taqdimot chog‘ida MISiS Fan va texnologiyalar universitetining Olmaliq filiali hamda “Olmaliq kon-metallurgiya kombinati” hamkorligida tashkil etilgan “GeoMetTex” ilg‘or muhandislik maktabini tashkil etish bo‘yicha tajriba o‘rganildi. Unda maktab faoliyatining yo‘lga qo‘yilishi, o‘qishga qabul qilish tartibi, o‘quv jarayonining tashkil etilishi, shuningdek, sanoat hamkori hisoblangan korxona ehtiyojidan kelib chiqib malakali mutaxassislar tayyorlash masalalari yuzasidan batafsil ma’lumotlar berildi. Mazkur taqdimotda Toshkent arxitektura-qurilish universitetining Arxitektura qurilish yo‘nalishi bo‘yicha faoliyat yuritayotgan Ilg‘or muhandislik maktabi (IMM) rahbari, texnika fanlari falsafa doktori (PhD), dotsent Rashidov J.G‘., shuningdek, “Qurilish” fakultetining ingliz tili guruhlari talabalari va “Bino va inshootlar qurilishi” kafedrasi magistrantlari ishtirok etdi.
Tadbirlar
134
Bugungi kunda aholi, ayniqsa ayollar oʻrtasida jismoniy tarbiya va sportni rivojlantirish, sogʻlom turmush tarzini keng targʻib qilish borasida muayyan ishlar amalga oshirilmoqda
Xususan, Toshkent arxitektura-qurilish universitetida ham erta tongdan ayol professor-oʻqituvchilar, tyutorlar hamda xodimlar birgalikda badantarbiya mashgʻulotlarini oʻtkazishlari an'anaga aylangan. Universitet Xotin-qizlar maslahat kengashi raisi N.Kurbanova hamda sport klubi rais oʻrinbosari Gʻ.Yorqulov boshchiligida universitet sport zalida turli mashqlarni bajarib, tani yayragan ayollar jamoasi kun davomida ham bardam boʻlib yuradilar. Shu nuqtayi nazardan bunday mashgʻulotlarning muntazam oʻtkazib borilishi juda muhim.
Yangiliklar
134
Xitoy Xalq Respublikasi bilan ikki tomonlama aloqalar yanada kengaymoqda
Joriy yilning 28-30 aprel kunlari Oliy ta’lim, fan va innovatsiyalar vaziri oʻrinbosari Otabek Maxkamov boshchiligidagi delegatsiyasining Xitoy Xalq Respublikasining Shinjon-Uyg‘ur avtonom rayoniga (SHUAR) amalga oshirgan xizmat safari davomida ikki tomonlama aloqalarni yanada kengaytirish, istiqbolli yo‘nalishlarda o‘zaro manfaatli investitsiya loyihalarini muhokama qilish hamda mintaqaviy hamkorlikni rivojlantirish maqsadida bir qator tashkilotlar bilan hamkorlik uchrashuvlari tashkil etildi va ko‘plab manfaatli kelishuvlarga erishildi. Batafsil: http://gov.uz/oz/edu/news/view/50683
E'lonlar
188
Mardov Sanjar Xudoykulovichning fan doktori (DSc) dissertatsiyasi himoyasi
Mardov Sanjar Xudoykulovichning 13.00.02- Ta’lim va tarbiya nazariyasi va metodikasi ixtisosligi bo‘yicha “Grafik ta’lim jarayonida boʻlajak muhandis-quruvchilarning dizayn fikrlashini rivojlantirish metodikasini takomillashtirish” mavzusidagi pedagogika fanlari doktori (DSc) dissertatsiyasining himoyasi Toshkent arxitektura-qurilish universiteti huzuridagi ilmiy darajalar beruvchi PhD.03/08.05.2024.A.11.02 raqamli bir martalik Ilmiy kengashning 2025 yil 15 may kuni soat 10:00 dagi majlisida bo‘lib o‘tadi. Manzil: 100011, Toshkent shahri, Abdulla Qodiriy ko‘chasi, 7-“V” uy. 4-bino, 5-qavat faollar zali. Tel/faks: (71) 235-43-30, 234-15-11, e-mail:devon@taqu.uz
E'lonlar
195
E'lon
Pokiston muhandislik va amaliy fanlar instituti (Pakistan Institute of Engineering and Applied Science) tomonidan xorijlik tinglovchilarga bakalavr, magistratura va doktoranturada tahsil olish uchun to‘liq moliyalashtiriladigan grant dasturlari e’lon qilingan:Ushbu grant dasturlari doirasida barcha tinglovchilar uchun oylik stipendiyalar to‘lanishi ham ma’lum qilingan. Grant dasturlariga ariza topshirish muddatlari ilova qilingan ma’lumotda keltirilgan. Talabalar sessiya boshlanishidan kamida 5-6 oy oldin ariza topshirishlari tavsiya etiladi.Rasmiy veb-sayt: https://www.pieas.edu.pk/international-students.cshtmlGrantlari bo‘yicha batafsil ma’lumot:https://www.pieas.edu.pk/international-students.cshtml/1000
Tadbirlar
223
Muzey boʻylab sayohat
Toshkent arxitektura-qurilish universiteti Arxitektura fakulteti yoshlar masalalari va ma'naviy-ma'rifiy ishlar bo'yicha dekan muovini Yo.G'.Mamasharipov, tyutorlar Islamxadjayeva D.A. Murodova M.I. boshchiligida talaba-yoshlar bilan Shon-sharaf muzeyida bo'ldilar. Elimizning bu jasorati, mehr-muruvvat va insonparvarlik fazilatlari hali hamon shon-sharaf maktabi, gʼurur-iftixor manbai boʼlib kelmoqda. Vaqt oʼtgani sayin bu oʼlmas qadriyatlarning ahamiyati tobora ortib bormoqda. Shon-sharaf muzeyida esa ana shunday shonli tarix oʼz ifodasini topgan. Tarixiy fakt va voqealar zamonaviy texnologiyalar, interaktiv usullar yordamida aks ettirilgan. Shu vaqtga qadar Ikkinchi jahon urushida Oʼzbekistondan 1 million 500 mingga yaqin kishi ishtirok etgan, deb hisoblanar edi. Shuningdek, 200 mingdan ziyod askar va ofitserlarimiz jangovar davlat mukofotlari bilan taqdirlangani hujjatlar orqali oʼz tasdigʼini topganligi bo'yicha talabalarga qiziqarli ma'lumotlar berildi.
Tadbirlar
165
Toshkent arxitektura-qurilish universitetida talabalar oʻrtasida "Huquqbuzarlik va jinoyatchilikni oldini olish" mavzusida tyutorlar oʻrtasida seminar boʻlib oʻtdi
Unda Yoshlar masalalari va maʼnaviy-maʼrifiy ishlar prorektori S.Mardov, universitet Xotin-qizlar maslahat kengashi raisi N.Kurbanova, Toshkent shahar Yunusobod tumani IIB XPB, profilaktika katta inspektori mayor A.Shodiyev, universitet psixologi M.Obidova, fakultet dekan muovinlari va tyutorlar ishtirok etdilar. Seminarda huquqbuzarlikning barvaqt oldini olish va profilaktika sohasida normativ-huquqiy, uslubiy va tahliliy xarakterga ega bo‘lgan axborot almashinuvi amalga oshirildi.
Yangiliklar
177
Toshkent arxitektura-qurilish universitetida yangi laboratoriya tashkil etish bo‘yicha xalqaro hamkorlik
Toshkent arxitektura-qurilish universiteti huzurida qurilish materiallarini baholash va sertifikatsiyadan o‘tkazish laboratoriyasini tashkil etish maqsadida Xitoyning "Nan Er Environmental Protection Science and Technology Industrial Development", "Shenzhen Sky Evtol Network", “Guandong Ruijian Construction Inspection and Appraisal” kompaniyalari bilan "8 million USD" lik hamkorlik shartnomalarini imzolashga erishildi. Mazkur hamkorlik doirasida qurilish materiallarining sifatini xalqaro standartlar asosida baholash, ularni sinovdan o‘tkazish va sertifikatlash bo‘yicha zamonaviy texnologiyalar joriy etilishi ko‘zda tutilgan.
Yangiliklar
142
Germaniya akademik xizmati doirasidagi hamkorlik doirasida Potsdam Amaliy fanlar universiteti professorlari Toshkent arxitektura-qurilish universitetiga tashrif buyurdi
Germaniya akademik almashinuv xizmati (DAAD) doirasida amalga oshirilayotgan loyiha asosida Germaniyaning Potsdam Amaliy fanlar universitetidan bir guruh professorlar Toshkent arxitektura-qurilish universitetiga tashrif buyurdi. Mazkur tashrif davomida ikki tomonlama hamkorlikni mustahkamlash, ilmiy va akademik aloqalarni rivojlantirish, shuningdek, kelgusida amalga oshirilishi rejalashtirilgan yangi loyihalarga tayyorgarlik ko‘rish masalalari muhokama qilindi. Tomonlar kelgusidagi hamkorlik istiqbollarini kengaytirish, o‘zaro manfaatli loyihalarni muvaffaqiyatli amalga oshirish va barqaror akademik hamkorlikni yo‘lga qo‘yish maqsadida doimiy muloqotni davom ettirishga kelishib oldilar.