Yangiliklar
E'lonlar
62
Toshkent arxitektura-qurilish universiteti rektori Baxrom Tulaganovning yoshlar, ota-onalar va pedagoglarni giyohvandlik va narkojinoyatlarning salbiy oqibatlaridan ogohlikka chaqirishga qaratilgan murojaati
Hurmatli talaba yoshlar, mehribon ota-onalar va muhtaram ustozlar!Keyingi paytlarda yoshlarimiz orasida kuchli ta’sir qiluvchi va tarkibida psixotrop moddalar mavjud bo‘lgan dori vositalariga qaramlik illatiga ruju qo‘yish holatlari ko‘p kuzatilmoqda. Bu illat yosh oilalarning barbod bo‘lishiga, bolalarning tirik yetim qolishiga zomin bo‘layotgani taassuflidir.Ushbu illatning yoshlar orasida ommalashishi juda xavflidir. Yoshlar o‘rtasida bu illatning ko‘payib ketishini o‘smirlarning har xil narsalarga qiziquvchanligi, tez ta’sirga beriluvchanligi hamda aholi orasida giyohvand vosita yoki giyohvandlik kasalligi to‘g‘risidagi axborotlarning kamligi bilan tushuntirish mumkin.Mamlakatimizda barcha turdagi giyohvandlikka qarshi izchil kurash olib borilmoqda. Xususan, mahallalarda, ta’lim va sog‘liqni saqlash muassasalarida, barcha mehnat jamoalarida giyohvandlikning inson sog‘lig‘iga zarari va uning ayanchli oqibatlari haqida ma’naviy-ma’rifiy targ‘ibot ishlari olib borilmoqda.Ushbu illatning oldini olish uchun avvalo, xastalikning sabab bo‘luvchi omillarini bartaraf etish, xususan, aholi bandligini ta’minlash, yoshlarni sportga jalb etish, ularning ma’naviy dunyosini umuminsoniy qadriyatlar va milliy g‘urur hissi bilan boyitish ham hayotiy zaruratdir. Yoshlarni dunyoqarashi endigina shakllanib borayotgan bir paytda, ularni aldov yo‘llari bilan giyohvandlik qurboniga aylantirayotganlar oz emas. O‘z hamyonini qappaytirish ilinjida og‘uni voyaga yetmagan yoshlar orasida tarqatib, uni iste’mol qilishga targ‘ib qilayotganiga jim qarab turib bo‘lmaydi. Giyohvandlikka qarshi kurashish faqat huquqni muhofaza qiluvchi organlarning ishi emas, hammamizning eng asosiy ishimizga aylanishi kerak. Zero, bunga hamma – butun jamiyat birdek mas’ul!
E'lonlar
45
Diqqat e'lon
Hurmatli professor-o‘qituvchilar va talabalar!Sizlarni 2025-yil 4-dekabr kuni soat 13:30 da TAQU ning 3 bino 401 auditoriyasida “Issqilik texnik uskunalari” fanidan “Конструкция и принцип работы автоклавных установок для ТВО силикатных бетонов” mavzusida o‘tkaziladigan ochiq darsga taklif etamiz. O‘qituvchi: “Qurilish materiallari va konstruksiyalari texnologiyasi” kafedrasi dotsent Babakulova Nilufar Baxramdjanovna
E'lonlar
43
Diqqat e'lon
Professor-o’qituvchi va talabalar diqqatiga! 2025 yil 3 dekabr soat 13:30 da Muhandislik fakulteti binosi 508-xonada «Muhandislik materiallarining tuzilishi va xususiyatlari» fanidan «Yog’och qurilish materiallar va buyumlari» mavzusi bo’yicha ochiq ma’ruza darsiga taklif etamiz. Ma’ruza: «Qurilish va atrof-muhit muhandisligi” kafedrasi dotsenti Jo’rayeva Felura Davronovna
Yangiliklar
65
Toshkent arxitektura-qurilish universiteti rektori Baxrom Tulaganov va Xotin-qizlar maslahat kengashi raisi N.Kurbanova ijara xonadonlarida yashayotgan talabalarning holidan xabar oldi
Toshkent arxitektura-qurilish universiteti rektori Baxrom Tulaganov va Xotin-qizlar maslahat kengashi raisi N.Kurbanova ijara xonadonlarida yashayotgan talabalarning holidan xabar oldi.Uchrashuv davomida ijarada istiqomat qilayotgan talabalarning yashash sharoiti, uy ichidagi sanitariya holati, hamda ularning o‘qish va dam olish uchun yaratilgan imkoniyatlar o‘rganildi. Shuningdek, favqulodda vaziyatlarning oldini olish borasida tushuntirish ishlari olib borildi. Yong‘in xavfsizligini ta’minlash, gaz jihozlari, isitish qurilmalaridan to‘g‘ri foydalanish bo‘yicha talabalarga kerakli ko‘rsatmalar berildi. Uchrashuv davomida talabalar bilan suhbatlashib, ularning muammolari, taklif va ehtiyojlari o‘rganildi. Shuningdek, ijara beruvchi xonadon egalari bilan ham muloqot o‘rnatilib, talabalar uchun yaratilayotgan shart-sharoitlar yuzasidan fikrlar almashildi.
Yangiliklar
78
“Islohotlar bilimdoni” respublika ko‘rik-tanlovining 2025-yilgi respublika bosqichi g‘oliblari aniqlandi!
Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazida 27-28-noyabr kunlari “Islohotlar bilimdoni” keng tarmoqli respublika ilmiy-maʼrifiy ko‘rik-tanlovi final bosqichining yakuniy 2-sharti bo‘lib o‘tdi. Unda saralangan 50 nafar ishtirokchi o‘z taqdimotlarini o‘tkazdilar.Nomzodlarni baholashda ularning notiqlik mahorati, islohotlar mohiyatini izchil tushuntira olishi, ma’naviy-ma’rifiy sohadagi amaliy ishlari va shaxsiy tashabbuslari, shuningdek, berilgan savollarga to‘g‘ri va asosli javob berishi asosiy mezon bo‘ldi.Har bir nominatsiya bo‘yicha taqdimotlar yakunlanishi bilanoq Hakamlar hayʼati tomonidan yakuniy natijalar hamda g‘oliblar e‘lon qilindi (g‘oliblar ro‘yxati yuqoridagi rasmda ko‘rsatilgan). Final bosqichida qatnashgan barcha ishtirokchilariga Vazirlikning tashakkurnomalari topshirildi. Tanlov g‘oliblari Oliy ta’lim, fan va innovatsiyalar vazirligi tomonidan I, II va III darajali diplom hamda mos ravishda bazaviy hisoblash miqdorining 45, 40 da 35 barobari miqdorida pul mukofoti bilan taqdirlanadi
Tadbirlar
80
Toshkent arxitektura-qurilish universiteti talabalari “Ochiq eshiklar kuni” tadbirida faol ishtirok etishdi
“Oʻzbekiston Respublikasi Qurolli Kuchlari tashkil etilganligining 33 yilligi"ga bagʻishlangan yoshlarni harbiy kasbga yo‘naltirish hamda Qurolli Kuchlarning shakllanishi va rivojlanish tarixi bilan tanishtirish, shuningdek, qurol-yarog‘ va harbiy texnikalarni namoyish etgan holda harbiy qism va muassasalarda o‘quvchi hamda talabalar uchun “Ochiq eshiklar kuni” tadbiri tashkil etildi. Ushbu tadbirda Toshkent arxitektura-qurilish universitet tyutorlari hamda talaba-yoshlar faol ishtirok etdilar.
Tadbirlar
76
Toshkent arxitektura-qurilish universitetida “Yoshlarning manaviy-ahloqiy holatiga taʼsir koʻrsatuvchi huquqbuzarlik, giyohvandlik, axloqsizlik” kabi muommalarni bartaraf etishning samarali yoʻllari boʻyicha tadbir oʻtkazildi
Toshkent arxitektura-qurilish universiteti “Qurilish mexanikasi va seysmik muhandislik” kafedrasi professor-oʻqituvchilari boshchiligida “Yoshlarning manaviy-ahloqiy holatiga taʼsir koʻrsatuvchi huquqbuzarlik, giyohvandlik, axloqsizlik” kabi muommalarni bartaraf etishning samarali yoʻllari boʻyicha tadbir oʻtkazildi. Unda Yunusobod tumani IIO FMB 4-sonli IIB HPB profilaktika katta inspektori mayor A.K.Shodiyev talabalarga giyohvandlik vositalarining zararli oqibatlari, ularning yoshlar hayoti va kelajagiga yetkazishi mumkin bo‘lgan salbiy ta’sirlari haqida batafsil tushuntirdi.Shuningdek, turli axloqsiz xatti-harakatlarning oldini olish, yot gʻoyalarga berilmaslik va o‘zini ijtimoiy muhitda to‘g‘ri tutish bo‘yicha fikrlar bildirdi.Yunusobod tumani PPX xodimlari tomonidan bugungi kunda keng tarqalib borayotgan kiberjinoyatchilik turlari, internetdan foydalanishda uchrashi mumkin bo‘lgan xavf-xatarlar, firibgarlik sxemalari hamda ularga qarshi kurashish choralari haqida ham talabalarga atroflicha ma’lumotlar yetkazildi. Ayniqsa, shaxsiy ma’lumotlarni himoya qilish, ijtimoiy tarmoqlarda ehtiyotkorlik bilan harakat qilish va begona havolalarga ishonch bildirmaslik bo‘yicha tavsiyalar berildi.Tadbir yakunida talabalar o‘zlarini qiziqtirgan savollar bilan murojaat qilishdi va ularga mutaxassislar tomonidan toʻliq javoblar olindi. Mazkur uchrashuv yoshlarning huquqiy savodxonligini oshirish, ularda hushyorlik va ogohlikni shakllantirishda muhim ahamiyat kasb etdi.
E'lonlar
65
Huquqiy axborot sifatida tarqatilishi koʻzda tutilgan normativ-huquqiy hujjatlar roʻyxati
Barchamiz bilishimiz zarur bo'lgan yangi huquqiy axborot sifatida tarqatilishi koʻzda tutilgan normativ-huquqiy hujjatlar roʻyxati
E'lonlar
61
Hurmatli professor-o‘qituvchilar va talabalar!
Sizlarni 2025-yil 3-dekabr kuni soat 150:00 da Muxandislik fakultetining 3-binosi, 501-auditoriyasida “SUV UZATISH TARMOQLARINI LOYIHALASH” fanidan “O’zbekiston shaharlarida suv ta’minoti tizimida yangi texnologiyalarni joriy qilish va qo’llash” mavzusida o'tkaziladigan ochiq darsga taklif etamiz. O’qituvchi: “Muhandislik kommunikatsiyalari” kafedrasi dosenti Bekmamadova Gulnoza Akmalovna