Yangiliklar
Tadbirlar
58
“Konstitutsiya — baxtimiz qomusi”
8-dekabr — Oʻzbekiston Respublikasi Konstitutsiyasi qabul qilingan kun munosabati bilan SOS Oʻzbekiston Bolalar Mahallalari uyushmasi Toshkent filialida Toshkent arxitektura-qurilish universitetining Arxitektura fakulteti tomonidan bayram tadbiri tashkil etildi. Tadbirda Arxitektura fakulteti Talabalar masalalari va maʼnaviy-maʼrifiy ishlar boʻyicha dekan muovini Y. Gʻ. Mamasharipov, fakultet “Xotin-qizlar masalalari” boʻyicha dekan maslahatchisi D. Axmadjanovna, tyutorlar va fakultet talabalari ishtirok etdilar.Tadbir davomida talabalar koʻtarinki ruhda milliy kuy-qoʻshiqlar, aytishuvlar va raqslar bilan ishtirok etdilar. Shuningdek, tyutorlar va talabalar Oʻzbekiston Respublikasi Konstitutsiyasining o‘zgarishlari hamda moddalari yuzasidan maʼlumotlar taqdim etdilar. Mehribonlik uyi rahbari D. S. Sultanova soʻzga chiqib, ushbu tadbirni tashkil etishda faol ishtirok etgan universitet rahbariyati, fakultet tyutorlari va talabalarga Mehribonlik uyi rahbariyati nomidan minnatdorchilik bildirdi va ularni tashakkurnomalar bilan taqdirladi.
Yangiliklar
52
“Korruptsiya tushunchasi va uning oqibatlari” mavzusida seminar tashkil etildi
Toshkent arxitektura-qurilish universiteti huzuridagi Pedagog kadrlarni qayta tayyorlash va ularning malakasini oshirish tarmoq markazi tinglovchilari uchun universitetning “Korruptsiyaga qarshi kurashish — komplaens nazorat tizimini boshqarish” bo‘limi boshlig‘i M. Isakdjanov tomonidan “Korruptsiya tushunchasi va uning oqibatlari” mavzusida seminar tashkil etildi.Tadbir davomida ishtirokchilarga korruptsiyaning asosiy ko‘rinishlari, uning ta’lim jarayoni hamda tashkilot rivojiga yetkazishi mumkin bo‘lgan salbiy oqibatlari haqida batafsil ma’lumot berildi. Shuningdek, korruptsiyaning oldini olish, manfaatlar to‘qnashuvini bartaraf etish va samarali profilaktika mexanizmlarini joriy etish bo‘yicha tushunchalar yoritildi. Seminar davomida tinglovchilarga amaliy misollar, huquqiy asoslar hamda komplaens nazorat tizimining ahamiyati bo‘yicha foydali tavsiyalar taqdim etildi. Tadbir so‘ngida ishtirokchilar mavzu yuzasidan o‘zlarini qiziqtirgan savollarga javob oldilar.
Yangiliklar
128
Toshkent arxitektura-qurilish universiteti rektori Baxrom Tulaganov Navoiy davlat konchilik va texnologiyalar universitetida bo‘lib o‘tgan “Muruntov” forumida faol ishtirok etdi
Navoiy davlat konchilik va texnologiyalar universitetida tashkil etilgan “Muruntov” forumi doirasida tarmoq–korxona–oliy ta’lim muassasasi hamkorligi, ekologiya va suv resurslarini boshqarish, yangi ilmiy hamkorlik yo‘nalishlari hamda ilmiy-tadqiqot faoliyatini rivojlantirish masalalari keng muhokama qilindi. Tadbirda Toshkent arxitektura-qurilish universiteti rektori Baxrom Tulaganov faol ishtirok etib, universitetlar o‘rtasida o‘zaro tajriba almashish, istiqboldagi qo‘shma ilmiy loyihalar va innovatsion tashabbuslarni amalga oshirish bo‘yicha takliflarni ilgari surdi.
Yangiliklar
56
“Academic Conference on Innovation in Eco-Environmental Civil Engineering” xalqaro konferensiyasi
Toshkent arxitektura-qurilish universiteti “Shahar infrastrukturasi” kafedrasi mudiri, t.f.d., prof. Asadulla Xotamov Xitoyning Ichki Mongoliya Texnologiya Universitetida tashkil etilgan “Academic Conference on Innovation in Eco-Environmental Civil Engineering” xalqaro konferensiyasida ma’ruza bilan ishtirok etdi. Tadbir doirasida professor Asadulla Toshtemirovich universitetning o‘quv jarayonlari, ilmiy laboratoriyalari hamda amalga oshirilayotgan ilmiy-tadqiqot ishlari bilan tanishdi. Uchrashuv yakunida ikki universitet o‘rtasida ilmiy hamkorlikni rivojlantirish, qo‘shma tadqiqotlar va tajriba almashinuvini yo‘lga qo‘yish masalalari muhokama qilindi.
Tabrik
116
Hurmatli professor-o‘qituvchilar, aziz talaba-yoshlar va universitetimiz jamoasi!
Sizlarni 8-dekabr — O‘zbekiston Respublikasi Konstitutsiyasining 33-yilligi munosabati bilan chin qalbimdan muborakbod etaman.Konstitutsiyamiz — mamlakatimiz taraqqiyoti, demokratik qadriyatlar, fuqarolik erkinliklari va qonun ustuvorligining mustahkam poydevoridir. Asosiy Qomusimiz har bir yurtdoshimizning huquq va manfaatlarini ishonchli himoya qiluvchi, jamiyatimizning ertangi kunini belgilab beruvchi muhim hujjatdir.Bugun Toshkent arxitektura-qurilish universiteti jamoasi ham ushbu ulug‘ sana ruhidan ilhomlanib, yurtimiz rivoji yo‘lida fidokorona mehnat qilishda davom etmoqda. Siz, aziz talaba-yoshlar, kelajak me’morlari va quruvchilari sifatida yurtimizni yanada obod va zamonaviy qilishga xizmat qilasiz. Professor-o‘qituvchilarimiz esa o‘z bilim va tajribasi bilan yangi avlodni yetuk mutaxassislar qilib tarbiyalashda ulkan hissa qo‘shmoqda.Konstitutsiya kuni barchamizga mamlakatimiz ravnaqi, tinchligi va farovonligini asrash hamda mustahkamlash yo‘lida yanada mas’uliyatli bo‘lishni eslatadi.Barchangizga mustahkam sog‘liq, tinchlik-xotirjamlik, ilmiy va ijodiy muvaffaqiyatlar tilayman. Bayram muborak bo‘lsin! Hurmat bilan, Toshkent arxitektura-qurilish universiteti rektori Baxrom Tulaganov
Tadbirlar
48
Toshkent arxitektura-qurilish universitetida “Konstitutsiya — erkin va farovon hayot garovi” mavzusidagi tadbir bo‘lib o‘tdi
Toshkent arxitektura-qurilish universitetida “O‘zbek va xorijiy tillar” kafedrasi tomonidan “Konstitutsiya — erkin va farovon hayot garovi” nomli tadbir hamda ushbu mavzu doirasida yozilgan maqolalar mualliflarini taqdirlash marosimi o‘tkazildi.Tadbirni Universitet ilmiy ishlar va innovatsiyalar bo‘yicha prorektori D.Sh. Mirdjalilova ochib berdi. Dastlabki kirish qismida “O‘zbek va xorijiy tillar” kafedrasi mudiri X. Zakirova tadbirning mazmun-mohiyati, maqsadi hamda Konstitutsiya bilan bog‘liq muhim jihatlar yuzasidan ishtirokchilarga qisqacha ma’lumot berdiShuningdek, ilmiy maqolalar tanlovining eng yaxshi mualliflarini tayyorlashda dotsent A. Nasreddinov, katta o‘qituvchi Ch. Azimova va assistent O. Fattoeva faol ishtirok etdilar. Tadbirga Toshkent davlat yuridik universiteti “Davlat va huquq nazariyasi” kafedrasi professori Igor Vladimirovich Kudryavtsev hamda o‘qituvchi Jahongir Abdumatalliyevich Qurbanov mehmon sifatida qatnashishdi.
E'lonlar
55
Xorijda Malaka Oshirish bo‘yicha Qo‘shma O‘quv Kursi
“2024-2030-yillarda xorijiy va mahalliy grant mablag’lari, shuningdek oliy ta’lim muassasalarining byudjetdan tashqari mablag’lari hisobidan professor-o‘qituvchilarni har yili xorijiy davlatlarga tajriba almashish uchun yuborish rejasi” ijrosini ta’minlash maqsadida qo‘shma malaka oshirish kursi tashkil etilmoqda.Yuqoridagilardan kelib chiqib, Finlandiya va Estoniya ta’lim tizimini o‘rganish va amaliyotga tatbiq etish maqsadida 2026-yil yanvar oyida “Pedagogik texnologiyalar va pedagogik mahorat” mavzusida navbatdagi bir oylik (144 - soat) qo‘shma malaka oshirish kursi 5 yanvardan - 15 yanvargacha Oliy ta’lim tizimi kadrlarini qayta tayyorlash va malakasini oshirish institutida (onlayn), 18 yanvardan - 28 yanvargacha Finlandiya va Estoniya davlatlaridagi TOP-OTMlarida hamda ta’lim muassasalarida (offlayn) tashkil etilishi rejalashtirildi. Kurslarni muvaffaqiyatli yakunlagan tinglovchilarga davlat namunasidagi malaka attestati hamda maxsus xorijda malaka oshirganlik to‘g‘risidagi sertifikat beriladi.Mazkur qo‘shma malaka oshirish kursiga o‘qish uchun tavsiya etilgan pedagog va boshqa xodimlar to‘g‘risidagi ma’lumotlarni ilovaga muvofiq tasdiqlangan holda 6-dekabr kuniga qadar Xalqaro Nordik universitetiga (niu_edu@exat.uz) taqdim etilishi so‘raladi.Malaka oshirish kursi haqida to‘liq ma’lumot: nordictraining.uz Izoh: Xorijdagi malaka oshirish 10-kun muddatga moʻljallanmoqda hamda Nomzodlardan til bilish darajasi talab qilinmaydi. Mashg’ulot va vizitlar uchun tarjimon jalb qilinadi.
E'lonlar
58
D. Serikbayev nomidagi Sharq-Qozoq texnik universitetida onlayn seminar
D.Serikbayev nomidagi Sharq-Qozoq texnik universiteti (VKТU) “Yashil universitet” mavzusida xalqaro onlayn seminar o‘tkazmoqda hamda Toshkenr arxitektura-qurilish universiteti xodimlari spiker yoki tinglovchi sifatida ishtirok etishga taklif qilingan.Ishtirokchilar ro‘yxatdan o‘tishni 2025-yil 5-dekabrgacha quyidagi havola orqali amalga oshiradilar: BatafsilD.Serikbayev nomidagi VKТU har yili UI Green Metric reytingida qatnashadi va universitetlarda “yashil” tashabbuslarni hamda BMT Barqaror rivojlanish maqsadlari (BRM)ni faol ravishda qo‘llab-quvvatlaydi.Seminar mavzusi universitetlarda barqaror rivojlanish maqsadlarini amalga oshirish, karbon izini kamaytirish, chiqindilarni saralab yig‘ish va qayta ishlash bo‘yicha yechimlar, energiya tejashni oshirish hamda oliygohlarning “yashil siyosati”ga oid boshqa masalalarni qamrab oladi.O‘tgan yili seminar asosiy mavzusi – universitet kampusida chiqindilarni saralab yig‘ish jarayonini tashkil etish masalasi bo‘lgan. Joriy yilda esa BRMni oliygoh hayotida ilgari surish bo‘yicha yoshlarning “yashil” tashabbuslarini muhokama qilish taklif etiladi. Shuningdek, spikerlar tomonidan boshqa mavzular ham taklif qilinishi mumkin.Seminar 2025-yil 11-dekabr kuni, Astana vaqti bilan 14:00–16:00 oralig‘ida bo‘lib o‘tadi.Seminar moderatori – Serikbayev nomidagi VKТU Barqaror rivojlanish ofisi xodimi Almaz Amirgazin. Ishchi tillar: ingliz tili / rus tili.Seminar ishtirokchilariga mos ravishda sertifikatlar taqdim etiladi. Seminar dasturi 2025-yil 8-dekabrdan keyin yuboriladi.
E'lonlar
187
Ichki monitoring o‘tkazish sanasi va joyi to‘g‘risidagi ma’lumot
Ichki monitoring o‘tkazish sanasi va joyi to‘g‘risidagi ma’lumot