Yangiliklar
Yangiliklar
57
"VEZA" kompaniyasi va "TAQU" o‘rtasidagi hamkorlik doirasida yangi qadam
"VEZA" kompaniyasi Toshkent arxitektura-qurilish universiteti Muhandislik kommunikatsiyalari kafedrasi bilan o‘zaro hamkorlikni yanada mustahkamlash yo‘lida amaliy choralar ko‘rmoqda. Ushbu hamkorlik doirasida kompaniya tomonidan kafedraga zamonaviy laboratoriya jihozlari taqdim etiladi.Mazkur tashabbus ta’lim sifatini oshirish, talabalar nazariy bilimlarini amaliyot bilan uyg‘unlashtirish hamda sohaga yuqori malakali mutaxassislar tayyorlash jarayonida muhim omil bo‘lib xizmat qiladi. "VEZA" kompaniyasi ta’lim muassasalari bilan uzviy hamkorlikni yo‘lga qo‘yish orqali Respublikada muhandislik sohasida yetuk mutaxassislar yetishib chiqishiga o‘z hissasini qo‘shishni maqsad qilgan.
E'lonlar
53
Ozarbayjon Respublikasining ADA universiteti tomonidan Yozgi Energetika Maktabi tashkil etilmoqda
Ozarbayjon Respublikasining ADA universiteti tomonidan Boku va Aktau shaharlarida joriy yil 23-iyun-4-iyul kunlari “Energy Connectivity Edition” mavzusidagi 19-Boku Yozgi Energetika Maktabi (Baku Summer Energy School – BSES) tashkil etilmoqda.Mazkur o‘quv dasturi Kaspiy mintaqasida energetika xavfsizligi, yashil energetika, transport bog‘lanishi va mintaqaviy barqarorlik masalalariga bag‘ishlangan bo‘lib, o‘quv dasturida ishtirok etish uchun hozirgi kunda 50 foiz chegirma e’lon qilingan.O‘quv dasturining yo‘nalishlari quyidagilar:- Energiya diplomatiyasi va xalqaro shartnomalar- Barqaror rivojlanish va yashil energiya siyosati- Kaspiy mintaqasi geosiyosati va transport infratuzilmasi- CICA doirasida mintaqaviy hamkorlik amaliyoti Yuqorida kelitirilgan o‘quv dasturi to‘g‘risidagi batafsil ma’lumot bilan quyidagi havola orqali tanishish mumkin. Batafsil
E'lonlar
82
Raddiya
"Eltuz" kanalida e’lon qilingan “Toshkent davlat arxitektura-qurilish universitetidagi korrupsiya holatlari” nomli maqolada keltirilgan iddaolar asossiz va haqiqatga zid hisoblanadi.Toshkent arxitektura-qurilish universiteti faoliyati O‘zbekiston Respublikasining oliy ta’lim sohasidagi qonunlari va normativ hujjatlari asosida shaffoflik, sifat va qonuniylik tamoyillariga qat’iy amal qilgan holda olib boriladi.Sirtqi ta’lim jarayonlari belgilangan tartibda tashkil etilgan bo‘lib, talabalar davomati, baholash va amaliyotlar kredit-modul tizimi asosida amalga oshiriladi. Hozirga qadar talabalar tomonidan darsdan chiqarilganlik haqida birorta ham shikoyat kelib tushmagan.Maqolada tilga olingan Adham Siddiqov ismli shaxs universitetda professor-o‘qituvchi sifatida faoliyat yuritmaydi.Ta’lim jarayonining ochiqligi va xolisligini ta’minlash maqsadida videokuzatuv tizimlari, apellyatsiya tartibi, anonim murojaatlar uchun platformalar yo‘lga qo‘yilgan.Universitet korrupsiya va manfaatlar to‘qnashuviga qarshi kurashish borasida murosasiz siyosat yuritadi va bu borada tizimli ishlar olib borilmoqda.Maqoladagi yolg‘on va anonim axborotlar universitet nufuziga putur yetkazishi mumkinligi bois, ushbu materialni e’tiborsiz deb hisoblash va kanal ma’muriyatidan maqolani olib tashlashni so‘raymiz. Ushbu murojaat “Axborotlashtirish to‘g‘risida”gi, “Ommaviy axborot vositalari to‘g‘risida”gi qonunlar hamda O‘zbekiston Respublikasi Fuqarolik kodeksining shaʼn va ishchanlik obro‘sini himoya qilishga doir moddalariga asoslanadi.Batafsil
Tadbirlar
68
O‘zbekiston kasaba uyushmalari tashkil topganining 120 yilligi munosabati bilan “Yoshlar Forumi – 2025” tadbiri bo‘lib o‘tdi
Tadbir doirasida Toshkent arxitektura-qurilish universitetiga tashrif buyurgan ishtirokchilar, xususan arxitektura va dizayn sohalariga qiziqish bildirayotgan iqtidorli yoshlar uchun tanishtiruv ekskursiyasi tashkil etildi.Ekskursiya davomida universitet kasaba uyushma qo‘mitasi raisi F. Kasimova mehmonlarni oliy ta’lim muassasasining faoliyati, ta’lim jarayoni, zamonaviy infratuzilmalari hamda talabalarga yaratilgan qulay shart-sharoitlar bilan tanishtirdi.Shuningdek, yoshlar bilan ochiq muloqot o‘tkazilib, ularning fikr va takliflari tinglandi. Mazkur tashrif arxitektor va dizayner yoshlar uchun yangi g‘oyalar, kasbiy yo‘nalish va motivatsiya manbai bo‘lib xizmat qildi hamda kasaba uyushmalarining yoshlarga bo‘lgan e’tiborini amaliy jihatdan namoyon etdi.
Yangiliklar
46
Bitiruvchi talabalarning “Bitiruv malakaviy ishi” himoyasi tashkil etildi
Toshkent arxitektura-qurilish universitetining Arxitektura fakulteti magistratura bosqichi talabalari arxitektura loyihalash yo‘nalishi bo‘yicha bitiruv malakaviy ishlarini muvaffaqiyatli himoya qildilar.Bitiruv himoyalari universitetning tajribali professor-o‘qituvchilari, ilmiy rahbarlar, sohaga aloqador mutaxassislar hamda tegishli kafedra vakillaridan iborat komissiya a’zolari ishtirokida o‘tkazildi. Magistrantlar o‘z ilmiy loyihalari orqali zamonaviy arxitektura, shaharsozlik, barqaror rivojlanish, ekologik dizayn va innovatsion yondashuvlar asosida ishlab chiqilgan loyihalarni taqdim etdilar. Har bir ishdan so‘ng komissiya a’zolari tomonidan mazkur ishlarning dolzarbligi, amaliy ahamiyati, ilmiy yangiligi va dizayn yechimlari chuqur tahlil qilindi. Himoya jarayonida magistrantlar o‘z bilim va ko‘nikmalarini namoyon etib, mustaqil tadqiqot olib borish va loyiha yechimlarini asoslash borasidagi salohiyatlarini isbotladilar.
E'lonlar
53
"Tirik kitob yohud Kitob kelajak kaliti" mavzusida davra suhbati tashkil etildi
Toshkent arxitektura-qurilish universiteti "Qurilish muhandisligi" kafedrasi mudiri dotsent S. A. Yusufxo'jayev va professor-o'qituvchilar dotsent Usmanxodjayeva Lola, Shukurova Karomat Kaxramonovna, Saidazimov M, Usmanova D tomonidan Yunusobod tumani Ahilobod mahalla markazida targ'ibot ishlari olib borildi. Uchrashuvda "Tirik kitob yohud Kitob kelajak kaliti" mavzusida suhbat olib borildi. Yosh avlodning ma'naviy shakllanishidagi kitobning o'rni, foydali tomonlari haqida tavsiyalar berildi.
Yangiliklar
46
TAQU vakillari Afg‘onistonning Mozori Sharif shahrida joylashgan Mukhtar Schoolda xizmat safarida bo‘lishdi
Toshkent arxitektura-qurilish universiteti vakillari — Xalqaro reyting va akkreditatsiya bo‘limi boshlig‘i Komilov Javohir hamda Registrator ofis menejeri Melikulov G‘ayrat Afg‘onistonning Mozori Sharif shahrida joylashgan Mukhtar Schoolda xizmat safarida bo‘lishdi.Tashrif davomida delegatsiyasi maktab infratuzilmasi, o‘quv xonalari, laboratoriyalar va o‘quvchilar uchun yaratilgan zamonaviy sharoitlar bilan tanishdi. Shuningdek, maktab jamoasi bilan ochiq muloqot o‘tkazilib, ta’lim sohasidagi zamonaviy yondashuvlar, metodikalar hamda yoshlar bilan ishlash bo‘yicha fikr almashildi.Tadbir doirasida o‘qituvchilar, yuqori sinf o‘quvchilari hamda boshqa ta’lim muassasalari vakillari ishtirokida TAQU faoliyatiga bag‘ishlangan taqdimot o‘tkazildi. Unda Komilov Javohir universitet tuzilmasi, fakultetlar, xalqaro reytinglardagi o‘rinlar va ilmiy salohiyat haqida ma’lumot berdi. Melikulov G‘ayrat esa xorijiy abituriyentlar uchun taqdim etilayotgan imkoniyatlar, qo‘shma ta’lim dasturlari, hujjat topshirish tartibi va o‘qish shartlari haqida batafsil tushunchalar berdi.Taqdimotdan so‘ng qatnashchilar tomonidan bakalavriat, magistratura va PhD bosqichlariga qabul, stipendiya dasturlari, yashash sharoitlari va ta’lim tili bo‘yicha savollar yo‘llandi va barcha savollarga batafsil va asosli javoblar taqdim etdilar. Tashrif yakunida universitet tomonidan Mukhtar School rahbariyatiga esdalik sovg‘alari topshirildi hamda tomonlar o‘rtasidagi o‘zaro manfaatli hamkorlikni mustahkamlashga doir iliq niyatlar bildirildi.
E'lonlar
85
Najimov Jumabay Bazarbaevichning (PhD) dissertatsiyasi muhokamasiga taklif etamiz
Toshkent arxitektura-qurilish universiteti huzuridagi ilmiy darajalar beruvchi DSc.26/30.12.2019.Т.11.01 raqamli Ilmiy kengash qoshidagi Ilmiy seminar yig‘ilishi 2025 yil 2 iyul kuni soat 10:00 da o‘tkazilishi va uning kun tartibida quyidagi dissertatsiya muhokama etilishi belgilandi:Doktorant Najimov Jumabay Bazarbaevichning 05.09.05–“Qurilish materiallari va buyumlari” va 02.00.15–“Silikat va qiyin eriydigan nometall materiallar texnologiyasi” ixtisosliklari bo‘yicha «Shexjeli diabaz-porfirit elanmasidan foydalanib portlandsement tarkiblarini ishlab chiqish va uni beton namunalarida qo‘llash» mavzusida tayyorlagan texnika fanlari bo‘yicha falsafa doktori (PhD) dissertatsiyasi muhokamasi.Ilmiy rahbar: t.f.d., prof. Usmanov X.L Manzil: Yunusobod tumani, Yangishahar ko‘chasi 9-uy, 4-bino, 5-qavat Kovorking markazi. Tel/faks: (55) 508-50-14, 508-03-12,e-mail:devon@taqu.uz
Tadbirlar
67
"Dolzarb 90 kun" loyihasi doirasida yozgi sport oʻyinlari boʻlib oʻtdi
Toshkent arxitektura qurilish universitetida "Dolzarb 90 kun" loyihasi doirasida yozgi sport oʻyinlari boʻlib oʻtdi. Talabalarning boʻsh vaqtlarini mazmunli oʻtkazish maqsadida tashkillashtirilgan sport oʻyinlarida talabalar sportning valeybol, tennis va armlestling sport turlari boʻyicha bellashdilar.Ushbu tadbir talabalar jismoniy faolliklarini oshirish bilan birgalikda, ijobiy kayfiyat olishlariga ham yordam berdi.