Yangiliklar
E'lonlar
93
Bitiruvchilar diqqatiga!
O‘zbekiston Respublikasi Prezidenti huzuridagi Strategik islohotlar agentligi tomonidan “Yoshlarning kasbiy rejalari va chet elda ishlashga tayyorligi” mavzusida so‘rovnoma o‘tkazilmoqda.Ushbu so‘rovnoma orqali bitiruvchilarning hozirgi holati, kelajakdagi kasbiy rejalari hamda xorijda o‘qish yoki ishlashga bo‘lgan tayyorgarligi yuzasidan ma’lumotlar to‘planadi. Olingan natijalar asosida yoshlarga mos ta’lim va kasb-hunarga oid dasturlarni shakllantirish rejalashtirilmoqda.So‘rovnoma ishtirokchilarning shaxsiy ma’lumotlari to‘liq maxfiylikda saqlangan holda amalga oshiriladi.Hurmatli bitiruvchi! Sizni quyidagi havola orqali so‘rovnomada faol ishtirok etishga taklif qilamiz. Iltimos, barcha savollarga to‘liq va samimiy javob bering.So‘rovnomahavolasi Manzil
Tadbirlar
77
Toshkent arxitektura-qurilish universitetida seminar-trening bo‘lib o‘tdi
Moskva davlat qurilish universiteti va Toshkent arxitektura-qurilish universiteti o‘rtasidagi hamkorlik doirasida geotexnika sohasidagi dolzarb masalalarga bag‘ishlangan seminar-trening bo‘lib o‘tdi. Tadbir mehmoni — Moskva davlat qurilish universiteti Gruntlar mexanikasi, poydevorlar va asoslar kafedrasi mudiri Chunyuk Dmitriy Yurievich bo‘ldi.Seminar davomida zamonaviy geotexnik muammolar muhokama qilindi, shuningdek, TAQU va MGSU o‘rtasida geotexnik qurilish yo‘nalishida qo‘shma ta’lim dasturlarini yaratish bo‘yicha fikr almashildi. Tadbirda Toshkent arxitektura-qurilish universitetining professor-o‘qituvchilari, doktorantlar, magistrantlar va tayanch doktorantlar, shuningdek, O‘zbekiston Respublikasi loyihalash tashkilotlarining yetakchi mutaxassislari ishtirok etdi.
Yangiliklar
106
"Dolzarb 90 kun" loyihasi doirasida sport turlari boʻyicha musabaqa boʻlib oʻtdi
Toshkent arxitektura-qurilish universiteti talabalari oʻrtasida "Dolzarb 90 kun" loyihasi doirasida Jismoniy tarbiya va sport fan oʻqituvchilari boshchiligida talabalarning boʻsh vaqtini mazmunli oʻtkazish hamda sportga boʻlgan e'tiborni kuchaytirish maqsadida sport turlari boʻyicha musabaqa boʻlib oʻtdi.
Yangiliklar
92
Bitiruvchi talabalarning “Bitiruv malakaviy ishi” himoyasi tashkil etildi
Toshkent arxitektura-qurilish universitetining “Qurilish va atrof-muhit muhandisligi” kafedrasi tomonidan – Ekologiya va atrof-muhit muhofazasi hamda – Devorbop va pardozbop qurilish materiallari texnologiyasi bakalavriat ta’lim yo‘nalishlari bo‘yicha tahsil olayotgan bitiruvchi talabalarning Yakuniy davlat attestatsiyasi komissiyasi oldida “Bitiruv malakaviy ishi” himoyasi tashkil etildi.Mazkur tadbirda kafedra professor-o‘qituvchilari bilan bir qatorda soha korxonalari vakillari ham ishtirok etdi.Yakuniy davlat attestatsiyasi komissiyasiga Toshkent shahridagi Belarus-O‘zbekiston qo‘shma tarmoqlararo amaliy texnik kvalifikatsiyalar instituti ijrochi direktori, texnika fanlari doktori, professor Aziz Abdulazizovich Baxodirov raislik qildi. Komissiya raisi o‘z nutqida himoya qilinayotgan bitiruv ishlarining dolzarbligi va ularning amaliy ahamiyatiga alohida to‘xtalib o‘tdi. Shuningdek, zamonaviy qurilish sanoatida yuz berayotgan o‘zgarishlar, ekologik muammolarni bartaraf etishdagi innovatsion yondashuvlar, ushbu sohalarda yosh mutaxassislarning tutgan o‘rni va ularning salohiyatini yuksak baholadi.
Yangiliklar
68
TAQU delegatsiyasining Tonji universitetiga tashrifi doirasidagi uchrashuvlar
Xitoy Xalq Respublikasiga rasmiy tashrif bilan borgan Toshkent arxitektura-qurilish universiteti delegatsiyasi Tonji universitetining Qurilish materiallari va Dasturiy injiniring instituti faoliyati, shuningdek, ilmiy-innovatsion loyihalari bilan tanishdi. Tashrif davomida Tonji universitetining Seysmik xavfsizlik kafedrasi vakillari bilan uchrashuv tashkil etildi. Uchrashuvda sun’iy intellekt sohasidagi hamkorlik, xalqaro grantlar doirasida hamkorlik qilish, energiya samaradorligi, issiqlik izolyatsiyasi materiallarini ishlab chiqish, shuningdek, cho‘l qumlaridan samarali foydalanish yo‘nalishlari bo‘yicha fikr almashildi. Shu bilan birga, ushbu yo‘nalishlarda qo‘shma tadqiqotlar olib borish hamda tajriba almashishni yo‘lga qo‘yish yuzasidan takliflar bildirildi.
Yangiliklar
96
O‘zbekiston delegatsiyasi Tonjin universitetining Seysmik laboratoriyasida bo‘ldi
Xitoy Xalq Respublikasiga rasmiy tashrif doirasida O‘zbekiston delegatsiyasi Tonjin universitetining zamonaviy Seysmik tadqiqotlar laboratoriyasiga tashrif buyurdi. Tashrif davomida delegatsiya a’zolari laboratoriya faoliyati, yer silkinishlariga bardoshli qurilish texnologiyalari va tajriba stendlari bilan yaqindan tanishdilar. Uchrashuv chog‘ida tomonlar zilzilabardosh konstruksiyalar bo‘yicha olib borilayotgan ilmiy tadqiqotlar, ularning amaliy natijalari hamda o‘zaro tajriba almashinuvi masalalarini muhokama qildilar. Shuningdek, ikki oliy ta’lim muassasasi o‘rtasida hamkorlikni mustahkamlash, ilmiy-tadqiqot loyihalarini amalga oshirish va talabalar almashinuvini yo‘lga qo‘yish istiqbollari belgilab olindi.
Yangiliklar
103
TAQU delegatsiyasi Tianjin shahridagi nufuzli oliy ta'lim muassasalari bilan uchrashuvlar o‘tkazdi
2025-yil 14-iyun kuni Xitoy Xalq Respublikasida rasmiy tashrif bilan bo‘lib turgan O‘zbekiston Respublikasi Prezidentining Administratsiyasi Maslahatchisi yordamchisi Toirxon Abbosxonov, Toshkent arxitektura-qurilish universiteti Rektori Baxrom Tulaganov, Rektor assistenti Akbar Suvonqulov hamda universitetning marketing bo‘yicha mutaxassisi Saidumarxon Abdimajitovdan iborat delegatsiya a’zolari Tianjin shahridagi nufuzli oliy ta’lim muassasalari bilan uchrashuvlar o‘tkazdilar.Tashrif doirasida delegatsiya a’zolari Tianjin universiteti Vitse-prezidenti Ming Dong boshchiligidagi universitet rahbariyati bilan muzokaralar olib bordilar. Uchrashuvda Toshkent arxitektura-qurilish universiteti hamda Tianjin universiteti o‘rtasida talabalar almashinuvi, ilmiy-tadqiqot ishlari yo‘nalishlarida hamkorlikni kengaytirishga qaratilgan ikki tomonlama kelishuv imzolandi. Kunning ikkinchi yarmida delegatsiya Tianjin Chenjian universitetiga tashrif buyurdi. Universitet Prezidenti Van Zhongliang boshchiligida o‘tkazilgan uchrashuvda tomonlar talabalar almashuvi, ilmiy tadqiqotlar, grant va investitsion loyihalar bo‘yicha yaqin hamkorlikni yo‘lga qo‘yish, shuningdek, 2025/2026 o‘quv yiligacha ushbu yo‘nalishlarda “Yo‘l xaritasi”ni ishlab chiqishga kelishib oldilar.
E'lonlar
230
Oliy taʼlimdan keyingi taʼlim tizimida tahsil olayotgan izlanuvchilar diqqatiga!
O‘zbekiston Respublikasi Vazirlar Mahkamasining 2017-yil 22-maydagi 304-sonli qarori hamda Toshkent arxitektura-qurilish universiteti rektorining 2025-yil 16-iyundagi 3/37-sonli buyrug‘iga asosan, 2025-yil 30-iyundan 1-iyulgacha doktorantlar, tayanch doktorantlar va mustaqil izlanuvchilarning faoliyati samaradorligi bo‘yicha yarim yillik ichki monitoring o‘tkaziladi.Barcha izlanuvchilardan monitoringda faol ishtirok etishlari so‘raladi.Monitoring o‘tkazish jadvaliSavolnoma
Yangiliklar
82
Xalqaro hamkorlik
2025-yil 13-iyun kuni O‘zbekiston Respublikasi Oliy ta’lim, fan va innovatsiyalar vaziri o‘rinbosari Mahkamov Otabek Muxtorovich boshchiligidagi delegatsiya Xitoy Xalq Respublikasiga rasmiy tashrif doirasida Chongqing universitetida bo‘ldi.Delegatsiya tarkibida Prezident Administratsiyasi maslahatchisi Abbosxonov Toirxon, Toshkent Arxitektura Qurilish Universiteti rektori Tulaganov Baxrom, Oliy ta’lim, fan va innovatsiyalar vazirligi Xalqaro hamkorlik bo‘limi bosh mutaxassisi Nazirov Shoxrux, TAQU rektorining assistenti Akbar Suvonqulov va universitet marketologi Abdimajitov Saidumarxon ishtirok etdi.Tashrif chog‘ida Chongqing universiteti prezidenti Van Shuxin, vitse-prezident Li Jian, xalqaro ishlar bo‘yicha direktorlar va ilmiy institut vakillari bilan uchrashuv bo‘lib o‘tdi. Tomonlar o‘zaro hamkorlik istiqbollarini muhokama qildi. Delegatsiya universitet muzeyiga tashrif buyurib, oliygoh tarixi bilan tanishdi. Kun ikkinchi yarmida Toshkent arxitektura-urilish universiteti va Chongqing universiteti o‘rtasida talabalar almashinuvi, ilmiy tadqiqotlar va boshqa yo‘nalishlarda hamkorlikni nazarda tutuvchi ikki tomonlama anglashuv memorandumi imzolandi.