Yangiliklar
Tadbirlar
89
Toshkent arxitektura-qurilish universitetida "Dolzarb 90 kun" loyihasi doirasida sport o'yinlari o'tkazildi
Prezidentimizning tashabbusi bilan yoshlarni bo'sh vaqtini mazmunli tashkil etish maqsadida "Dolzarb 90 kun" loyihasi doirasida talabalar o'rtasida "Sport - salomatlik garovi" shiori ostida shaxmat, shashka, badminton va voleybol musobaqalari o'tkazildi.Har bir sport turi bo'yicha qizg'in bahslar bo'lib o'tdi. Talabalar o'z mahoratlarini namoyish etib, jamoaviy ruhda ishtirok etishdi. "Dolzarb 90 kun" loyihasi doirasida o'tkazilgan sport o'yinlari talabalar o'rtasida jismoniy faollikni oshirish, sog'lom turmush tarzini qo'llab-quvvatlash va ijtimoiy aloqalarni mustahkamlashga xizmat qildi. Talabalar o'zaro munosabatlarini rivojlantirib, sportning ahamiyatini yanada chuqurroq angladilar. Ushbu tadbirlar kelajakda ham davom ettirilishi rejalashtirilmoqda, chunki sport nafaqat salomatlik, balki o'zaro hurmat va hamjihatlikni ham rivojlantiradi.
Yangiliklar
109
Xitoy va O‘zbekiston o‘rtasida professional ta’lim sohasida yangi hamkorlik yo‘nalishlari belgilandi
Toshkent arxitektura-qurilish universiteti hamkorligida Xitoy Xalq Respublikasining Chjeszyan qurilish kolleji Xalqaro hamkorlik bo‘limi direktori Xu Dan O‘zbekistondagi qator kasb-hunar ta’lim muassasalari rahbarlari bilan uchrashuv o‘tkazdi.Uchrashuvda Sergeli tumani politexnikumi, Olmaliq qurilish va kommunal xo‘jaligi texnikumi, Sirdaryo arxitektura va qurilish texnikumi hamda Qashqadaryo arxitektura va qurilish texnikumi rahbarlari ishtirok etdi.Mazkur uchrashuv doirasida ikki davlat professional ta’lim muassasalari o‘rtasida quyidagi yo‘nalishlarda hamkorlik qilish bo‘yicha kelishuvga erishildi:➡️Talabalar uchun qisqa muddatli o‘quv dasturlarini joriy etish➡️Kreditlar almashinuvini tashkil etish➡️Talabalarni xalqaro olimpiadalarda ishtirok etishga tayyorlash va qo‘llab-quvvatlash➡️O‘qituvchilarning malaka va ilmiy salohiyatini oshirish➡️Ta’lim muassasalarini boshqarishda tajriba almashish➡️Iqtidorli kadrlarni birgalikda tayyorlash➡️Xorijiy til va kasbiy ko‘nikmalarni o‘qitishni rivojlantirish➡️Kasbiy ta’lim standartlarini ilgari surish➡️Yuqori sifatli o‘quv-resurslarni joriy etish➡️Xalqaro konferensiyalar va tadbirlarni hamkorlikda tashkil etish➡️O‘zaro rivojlanishga xizmat qiladigan va xalqaro ta’lim maydonidagi ta’sirni kuchaytiradigan almashinuv loyihalarini amalga oshirish. Uchrashuv yakunida tomonlar o‘zaro anglashuv memorandumlarini imzolab, istiqboldagi qo‘shma tashabbuslarni mustahkamlashga kelishib oldilar.
E'lonlar
215
IKKINCHI VA UNDAN KEYINGI OLIY TA’LIMGA QABUL QILISH UCHUN SUHBAT DASTURI VA BAHOLASH MEZONLARI
2025-2026 O'QUV YILIDA IKKINCHI VA UNDAN KEYINGI OLIY TA'LIMGA QABULQILISH UCHUN SUHBAT DASTURI VA BAHOLASH MEZONLARI
Tadbirlar
112
Toshkent arxitektura-qurilish universitetida "Dolzarb 90 kun" loyihasi doirasida adabiy badiiy kecha o'tkazildi
Prezidentimizning tashabbusi bilan yoshlarni bo'sh vaqini mazmunli tashkil etish maqsadida yurtimizning buyuk adibi, O‘zbekiston xalq shoiri Muso Toshmuhammad o‘g‘li Oybek xotirasiga bag'ishlangan adabiy badiiy kecha o'tkazildi.Tadbirda Respublika targ‘ibotchilar jamiyati a’zosi, “Shuhrat” medali sohibi, taniqli adib Ahtamqul Karimov ishtirok etdi. U talaba yoshlar bilan maroqli suhbat olib borib, Oybekning ijodiy merosi haqida fikr almashdi. O'z nutqida, Oybekning adabiyotdagi oʻrni va uning milliy madaniyatga qo'shgan hissasi haqida so'z yuritdi. Tadbir davomida Oybekning eng mashhur asarlaridan namunalar o‘qildi hamda faol ishtirok etgan talabalarga adib tominidan jurnallar taqdim qilindi. Ushbu adabiy badiiy kecha talabalarda kitob o'qishga bo'lgan qiziqishini uyg'otdi.
Tadbirlar
177
Toshkent arxitektura-qurilish universitetida interyer dizayniga qiziquvchilar uchun master-klasslar tashkil etildi
“Dolzarb 90 kun” loyihasi doirasida Toshkent arxitektura-qurilish universitetida interyer dizayniga qiziquvchi maktab o‘quvchilari va talabalar uchun “Interior Drawing” hamda “Interior Sketching” mavzularida master-klasslar tashkil etildi.
Tadbirlar
94
Toshkent arxitektura-qurilish universitetida "Dolzarb 90 kun" loyihasi doirasida "Amaliy fizika laboratoriyasi" va "Amaliy kimyo laboratoriyasi" to'garaklari davom etmoqda
Prezidentimizning tashabbusi bilan yoshlarni bo'sh vaqtini mazmunli tashkil etish maqsadida "Dolzarb 90 kun" loyihasi doirasida "Amaliy kimyo laboratoriyasi" va "Amaliy fizika laboratoriyasi" to'garagida laborotoriya ishlari amalga oshirildi. Jumladan, reaksiya tezligiga haroratning ta’sirini aniqlovchi mashqlar bajarildi. Mazkur laboratoriyani har bir talaba mustaqil bajarib ko‘rdi va amaliy ko‘nikmalarga ega bo‘ldi. “Amaliy fizika laboratoriyasi” toʻgaragida talabalar matematik mayatnik yordamida erkin tushish tezlanishini aniqlashdi. Shuningdek, “Amaliy fizika laboratoriyasi” toʻgaragi doirasida Qurilish, Muhandislik, Arxitektura va Menejment fakultetlari talabalarining fizikaviy formulalar va tajribalar boʻyicha amaliy koʻnikmalarini shakllantirish hamda ushbu fanga qiziqishlarini yanada oshirish hamda fizika qonunlarini bevosita arxitektura va qurilishda tutgan o’rni haqida toʻliq ma’lumotlar berildi.
Tadbirlar
95
“Dolzarb 90 kun” dasturi doirasida “Bir talabaga – bir loyiha” o‘quv akseleratsiya dasturi asosida amaliy seminar-trening o‘tkazildi
Prezidentimiz tashabbusi bilan boshlangan “Dolzarb 90 kun” dasturi doirasida Toshkent arxitektura-qurilish universiteti Qurilish fakultetida “Bir talabaga – bir loyiha” o‘quv akseleratsiya dasturi asosida amaliy seminar-trening o‘tkazildi.“Bino va inshootlarning zilzilabardoshliligi” mavzusidagi ushbu mashg‘ulot “Bino va inshootlar qurilishi” kafedrasi tomonidan tashkil etildi. Treningni kafedra mudiri Sh.X. Baymatov hamda dotsent v.b. M.M. Qambarov olib bordilar.Seminar-trening davomida talabalar:seysmik kuchlar va ularning sabablari;bu kuchlarning bino konstruksiyalariga ta’siri;zamonaviy aniqlash usullari;konstruksiyalar ustida amaliy ishlash bo‘yicha chuqur bilim va ko‘nikmalarga ega bo‘ldilar.Bunday mashg‘ulotlar:nazariy bilimlarni amaliyot bilan bog‘laydi;real ishlab chiqarish jarayonlariga tayyorlaydi;muammolarni tahlil qilish va texnik yechim topish ko‘nikmalarini shakllantiradi. Ilmiy-amaliy seminarlar yoshlarning kasbiy shakllanishida muhim o‘rin egallab, ularni kelajakda malakali mutaxassis sifatida voyaga yetishlarida muhim zamin bo‘lib xizmat qilmoqda.
E'lonlar
113
“Pedagogik texnologiyalar va pedagogik mahorat” mavzusida 1 oylik malaka oshirish kursi
Oʻzbekiston Respublikasi Prezidentining “Taʼlim-tarbiya tizimini yanada takomillashtirishga oid qoʻshimcha chora-tadbirlar toʻgʻrisida” 2020-yil 6-noyabrdagi PQ-4884-son qarori ijrosini taʼminlash maqsadida oliy taʼlim muassasalari rahbar kadrlari va professor-oʻqituvchilari uchun shartnoma asosida “Pedagogik texnologiyalar va pedagogik mahorat” mavzusida navbatdagi 1 oylik (144 soat) malaka oshirish kursini tashkil etish rejalashtirilgan.Mazkur kursning 72 soati 2025-yil 8-sentyabrdan 20-sentyabrgacha Oliy taʼlim tizimi kadrlarini qayta tayyorlash va malakasini oshirish institutida hamda qolgan 72 soati 22-sentyabrdan 2-oktyabrgacha Finlyandiya va Shvetsiya davlatlarining nufuzli oliy taʼlim muassasalarida tashkil etiladi.Malaka oshirish kursi yakunida tinglovchilarga davlat namunasidagi malaka attestati, xorijiy malaka oshirganlik sertifikati hamda xorijiy universitetda dars mashgʻuloti olib borganligi haqida maʼlumotnoma beriladi. Ushbu kurslarda ishtirok etish istagini bildirgan rahbar va professor-oʻqituvchilar maʼlumotlarini joriy yilning 26-iyul kuniga qadar ilovadagi namuna asosida Xalqaro Nordik universitetiga (niu_edu@exat.uz yoki https://t.me/yuldashev0121) tasdiqlangan variantda taqdim etishi soʻraladi.
Tadbirlar
84
Toshkent arxitektura-qurilish universitetida Dolzarb 90 kun" loyihasi doirasida "Kibersport" onlayn musobaqasi o'tkazildi
Prezidentimizning tashabbusi bilan yoshlar bo'sh vaqtini mazmunli tashkil etish maqsadida "Dolzarb 90 kun" loyihasi doirasida "Rektor kubogi" "Kibersport" onlayn musobaqasi o'tkazildi.Musobaqa davomida talabalarning kibersportga bo‘lgan qiziqishi va iste’dodlari namoyon bo‘ldi. Rektor kubogi uchun o‘tkazilgan bu musobaqa, shuningdek, yoshlar orasida jamoaviy ruhni oshirish, raqobatni rivojlantirish va kibersportni ommalashtirishga xizmat qiladi. O'yin davomida qatnashchilar o‘rtasida kuchli raqobat bo‘ldi, har bir jamoa o‘zining eng yaxshi natijalarini ko‘rsatishga intildi. Tanlov natijalariga ko'ra Menejment fakultetining "Nintendo" jamoasi g'olib bo'ldi.