Yangiliklar
E'lonlar
141
Germaniya Bundestagi prezidenti homiyligida universitet bitiruvchilariga mo‘ljallangan Xalqaro parlament stipendiyasi
Germaniya Bundestagi prezidenti homiyligida universitet bitiruvchilariga mo‘ljallangan Xalqaro parlament stipendiyasi joriy etilgan.Xorij tomoni mazkur stipendiya dasturida ishtirok etish uchun O‘zbekiston fuqarolarini taklif etmoqda.Mazkur dastur davomiligi 4 oy bo‘lib, 2026-yil 1-martdan 2026-yil 31-iyulga qadar davom etadi.Shuningdek, stipendiya bo‘yicha batafsil ma’lumotlar ilovaga muvofiq yuborilmoqda. Ishtirok etish istagida bo‘lgan talabgorlar joriy yil 31-avgustga qadar onlayn tarzda info@tasc.diplo.de e-mail manziliga PDF formatda ilovada keltirilgan xujjatlarni topshirilishi belgilangan.Talablar: 1. O‘zbekiston Respublikasi fuqaroligiga ega bo‘lish; 2. Oliy ma’lumotga ega bo‘lish; 3. Nemis tilini yuqori darajada bilish (kamida B2 daraja); 6. Yosh cheklovi – stipendiya beriladigan vaqtda 30 yoshdan oshmagan bo‘lish. Batafsil ma’lumot uchun:
Yangiliklar
127
TOSHKENTDA “IAFES 2025” XALQARO ARXITEKTURA WORKSHOPI BOSHLANDI
Bugun 4-avgust kuni Toshkent arxitektura-qurilish universitetida “International Architecture Field Study – IAFES 2025” xalqaro arxitektura workshopi o‘z ishini boshladi.Mazkur xalqaro tadbirda Rossiya, Xitoy, Malayziya va O‘zbekistondan 100 nafarga yaqin professor-o‘qituvchilar va talabalar ishtirok etmoqda. Jumladan, quyidagi yetakchi oliy ta’lim muassasalari vakillari workshopda faol qatnashmoqda:🫥University of Malaya (Malayziya),🫥Universiti Teknologi MARA (Malayziya),🫥Universiti Sains Islam Malaysia – USIM (Malayziya),🫥Inner Mongolia University (Xitoy),🫥Satbayev University (Qozog‘iston),🫥Sankt-Peterburg davlat arxitektura va qurilish universiteti (Rossiya)va boshqa nufuzli universitetlar.Workshop doirasida Toshkent shahri Eski Shahar hududi – poytaxtning tarixiy markazi sifatida asosiy loyiha obyekti etib belgilandi.Tadbirning asosiy maqsadi – turli davlatlardan kelgan ishtirokchilar tomonidan shaharning tarixiy muhitini zamonaviy arxitektura yondashuvlari asosida o‘rganish, tajriba almashish va innovatsion loyihaviy yechimlar ishlab chiqishdan iborat.Tadbirning tantanali ochilish marosimida Toshkent Arxitektura-qurilish universiteti rektori B.A. Tulaganov kirish so‘zi bilan ishtirok etdi. Shuningdek, O‘zbekiston va xorijdan tashrif buyurgan yetakchi arxitektorlar, yirik kompaniyalar vakillari, professor-o‘qituvchilar hamda soha mutaxassislari qatnashdi.Dastlabki sessiyalar doirasida ishtirokchilar o‘zaro tanishib, ilmiy-amaliy tajriba almashdilar hamda loyiha yo‘nalishlari yuzasidan fikr almashdilar. “IAFES 2025” workshopi 4–10 avgust kunlari davom etadi. Ushbu haftalik jarayon davomida xalqaro guruhlar Eski Shahar hududida joyida tadqiqotlar olib borib, yakuniy loyihaviy takliflarini taqdim etishadi.Dastur doirasida qo'shimcha ma'lumotlarni http://iafest.taqu.uz orqali olishingiz mumkin.
Tadbirlar
99
“Dolzarb 90 kun” loyihasi doirasida yoshlarning bo‘sh vaqtini mazmunli va samarali tashkil etishga alohida e’tibor qaratilmoqda
Prezidentimiz tashabbusi bilan boshlangan “Dolzarb 90 kun” loyihasi doirasida yoshlarning bo‘sh vaqtini mazmunli va samarali tashkil etishga alohida e’tibor qaratilmoqda. Shu munosabat bilan Toshkent arxitektura-qurilish universitetida “Qurilish muhandisligi” kafedrasining o‘quv kompyuter xonasida talabalarga mo‘ljallangan “Лира САПР 2022 dasturida ko‘p qavatli binolarni modellashtirish va hisoblash” mavzusida amaliy master-klass darslari o‘tkazildi. Mazkur mashg‘ulotlar kafedra katta o‘qituvchilari D.Q. Saydullayeva va A.A. Azimov tomonidan olib borildi.Tadbir davomida talabalar o‘zlarining nazariy bilimlarini real loyihalar asosida amaliyotda sinab ko‘rishdi.Ko‘p qavatli binolarning zamonaviy kompyuter dasturlari yordamida konstruktiv modellari yaratildi va texnik hisobi bajarildi. Mashg‘ulotlar talabalarning mustaqil fikrlashi, muammolarni tahlil qilish va texnik yechimlar ishlab chiqish ko‘nikmalarini yanada mustahkamladi.
Yangiliklar
88
Toshkent arxitektura-qurilish universitetida Xitoylik professorlar ishtirokida seminar-trening tashkil etildi
Toshkent arxitektura-qurilish universiteti hamkorligida Xitoy Xalq Respublikasining Chjeszyan qurilish kollejidan tashrif buyurgan professorlar Yang Yang, Wang Jinghui, Chen Jia hamda Zhang Yaoyao ishtirokida seminar-trening bo‘lib o‘tdi.Mazkur seminar-treningda universitet professor-o‘qituvchilari, tayanch doktorantlar, shuningdek, Toshkent arxitektura-qurilish universiteti negizidagi Sergeli tumani politexnikumi, Olmaliq qurilish va kommunal xo‘jaligi texnikumi, Sirdaryo arxitektura va qurilish texnikumi hamda Qashqadaryo arxitektura va qurilish texnikumi kabi professional ta’lim muassasalari rahbar xodimlari qatnashdi. Tadbir davomida arxitektura va qurilish sohasidagi zamonaviy va dolzarb mavzular muhokama qilindi. Ishtirokchilar o‘zlarini qiziqtirgan savollarga atroflicha javoblar oldilar. Seminar-trening samimiy va qizg‘in muhokamalarga boy tarzda o‘tdi.
Tadbirlar
92
“Dolzarb 90 kun” loyihasi doirasida universitet talabalari uchun xalqaro hamkorlik asosida onlayn vebinar tashkil etildi
Toshkent arxitektura-qurilish universiteti Xorijiy tillar kafedrasi tashabbusi bilan “Dolzarb 90 kun” loyihasi doirasida universitet talabalari uchun xalqaro hamkorlik asosida onlayn vebinar tashkil etildi.Mazkur vebinarda Menejment fakultetining 44-24 va 47-24-guruhi talabalari hamda “New Generation” jamoasi a’zolari faol ishtirok etdilar.Tadbirda Rossiyaning nufuzli oliy ta’lim muassasalaridan biri — Plekhanov nomidagi Rossiya iqtisodiyot universiteti o‘qituvchisi Grigoryan Armine Eduardovna ma’ruza qildi.Ushbu vebinarda quyidagi mavzular bo‘yicha dolzarb va amaliy ma’ruzalar taqdim etildi:“Raqamlashtirish davrida samarali bandlik strategiyalari”“Xalqaro kompaniyada suhbatdan muvaffaqiyatli o‘tish strategiyalari”Sessiyalar davomida talabalar ayniqsa amaliy mashg‘ulotlarda yuqori faollik ko‘rsatib, mavzular yuzasidan fikr almashdilar. Taqdim etilgan ma’ruzalar global mehnat bozoriga chiqishni maqsad qilgan yoshlar uchun muhim nazariy va amaliy tavsiyalarni o‘z ichiga oldi.
E'lonlar
207
Oliy ta’lim tashkilotlarida talabalarga grantlarni taqdim etish va qayta taqsimlash
Oliy ta'lim, fan va innovatsiaylar vazirligining taklifiga asosan 2024/2025 o‘quv yilida o‘qishga qabul qilingan talabalar uchun ta'lim grantlarini qayta taqsimlash hamda Kambag‘al oila reustriga kirgan oilalar farzandlari uchun qo‘shimcha grantlar taqdim etish uchun talabgorlarni ro‘yxatdan o‘tkazish muddatini 2025-yil 10-avgustga qadar uzaytirishga ruxsat berildi.Toshkent arxitektura-qurilish universitetida 2025-2026 o‘quv yilida talabalarga grantlarni taqdim etish va qayta taqsimlash tanlovida ishtirok etish uchun TAQU rasmiy veb sayt orqali ro‘yxatdan o‘tish 2025-yil 31-iyuldan 2025-yil 10-avgust (10-avgust kuni ham) 23:59 ga qadar qayta ishga tushirildi.Ushbu platformada GPA ko‘rsatkichi 3.5 va undan yuqori bo‘lgan (belgilangan toifadagi talabalar uchun GPA ko‘rsatkichi 3.3) talabalar tanlovda ishtirok etishlari mumkin. Bu xabar faqat TAQU 1-kurs magistr va bakalavr kunduzgi ta'lim shaklidagi talabalarga tegishli.
E'lonlar
118
Shoisoyev Izatullo Kenjayevichning Arxitektura fanlari doktori (DSc) dissertatsiyasining himoya majlisiga taklif etamiz
Toshkent arxitektura-qurilish universitetida 2025 yilning 22 avgust kuni, soat 10:00 da Shoisoyev Izatullo Kenjayevichning 18.00.01 - “Arxitektura nazariyasi va tarixi. Arxitektura yodgorliklarini ta’mirlash va tiklash” ixtisosligi bo‘yicha “Shimoliy Ustrushonaning qadimgi va zamonaviy arxitekturasiga xos an’analari” mavzusidagi Arxitektura fanlari doktori (DSc) dissertatsiyasining himoya majlisiga taklif etamiz. Manzil: 4-bino, 5-qavat, Faollar zali
E'lonlar
114
Nazarova Dinara Anvarovnaning (DSc) dissertatsiyasining himoya majlisiga taklif etamiz
Toshkent arxitektura-qurilish universitetida 2025 yilning 21 avgust kuni, soat 10:00 da Nazarova Dinara Anvarovnaning 18.00.02 – “Rayonlashtirish. Shaharsozlik. Qishloq turar-joylarini rejalashtirish. Landshaft arxitekturasi. Bino va inshootlar arxitekturasi” ixtisosligi bo‘yicha “Моделирование устойчивого роста городов Узбекистана на основе принципов рационального пространственного планирования (Ratsional fazoviy rejalashtirish tamoyillari asosida O‘zbekiston shaharlarining muhitining barqaror rivojlanishini modellashtirish)” mavzusidagi (DSc) dissertatsiyasining himoya majlisiga taklif etamiz. Manzil: 4-bino, 5-qavat, Faollar zali.
Tadbirlar
92
Toshkent arxitektura-qurilish universitetida "Dolzarb 90 kun" loyihasi doirasida kino kechasi o'tkazildi
Prezidentimizning tashabbusi bilan yoshlarni bo'sh vaqtini mazmunli tashkil etish maqsadida "Dolzarb 90 kun" loyihasi doirasida "UCH QAHRAMON" filimi namoyishi bo'lib o'tdi.Mazkur film Kinematografiya agentligi buyurtmasiga binoan Ichki ishlar vazirligi Jamoat xavfsizligi departamenti bilan hamkorlikda “Spectre Studio” studiyasi tomonidan suratga olingan bo‘lib, o‘tkir syujet va hayotiy voqealarga asoslangan.Filmning asosiy g‘oyasi jinoyatchilikka qarshi kurashda barcha sa’y-harakatlarni birlashtirish, bunda o‘zaro hamkorlikka erishish va milliy xavfsizlikni ta’minlashdagi muhim qadriyatlarni targ‘ib etishdan iborat. Bu yondashuv filmga dramatik mazmun, balki tomoshabin qalbini larzaga keltiruvchi tuyg‘ularni ham bag‘ishlaydi. Filmining namoyishi talabalar uchun qiziqarli bo'ldi. Film orqali jinoyatchilikka qarshi kurashda hamkorlik va milliy xavfsizlikni ta'minlashning ahamiyati haqida muhim xabar berildi. Ushbu tadbir, shuningdek, talabalarni ijtimoiy masalalar bo'yicha fikr almashishga undadi va ularning madaniy rivojlanishiga hissa qo'shdi.