Yangiliklar
Tadbirlar
127
Toshkent arxitektura-qurilish universitetida talabalar oʻrtasida "Huquqbuzarlik va jinoyatchilikni oldini olish" mavzusida tyutorlar oʻrtasida seminar boʻlib oʻtdi
Unda Yoshlar masalalari va maʼnaviy-maʼrifiy ishlar prorektori S.Mardov, universitet Xotin-qizlar maslahat kengashi raisi N.Kurbanova, Toshkent shahar Yunusobod tumani IIB XPB, profilaktika katta inspektori mayor A.Shodiyev, universitet psixologi M.Obidova, fakultet dekan muovinlari va tyutorlar ishtirok etdilar. Seminarda huquqbuzarlikning barvaqt oldini olish va profilaktika sohasida normativ-huquqiy, uslubiy va tahliliy xarakterga ega bo‘lgan axborot almashinuvi amalga oshirildi.
Yangiliklar
135
Toshkent arxitektura-qurilish universitetida yangi laboratoriya tashkil etish bo‘yicha xalqaro hamkorlik
Toshkent arxitektura-qurilish universiteti huzurida qurilish materiallarini baholash va sertifikatsiyadan o‘tkazish laboratoriyasini tashkil etish maqsadida Xitoyning "Nan Er Environmental Protection Science and Technology Industrial Development", "Shenzhen Sky Evtol Network", “Guandong Ruijian Construction Inspection and Appraisal” kompaniyalari bilan "8 million USD" lik hamkorlik shartnomalarini imzolashga erishildi. Mazkur hamkorlik doirasida qurilish materiallarining sifatini xalqaro standartlar asosida baholash, ularni sinovdan o‘tkazish va sertifikatlash bo‘yicha zamonaviy texnologiyalar joriy etilishi ko‘zda tutilgan.
Yangiliklar
96
Germaniya akademik xizmati doirasidagi hamkorlik doirasida Potsdam Amaliy fanlar universiteti professorlari Toshkent arxitektura-qurilish universitetiga tashrif buyurdi
Germaniya akademik almashinuv xizmati (DAAD) doirasida amalga oshirilayotgan loyiha asosida Germaniyaning Potsdam Amaliy fanlar universitetidan bir guruh professorlar Toshkent arxitektura-qurilish universitetiga tashrif buyurdi. Mazkur tashrif davomida ikki tomonlama hamkorlikni mustahkamlash, ilmiy va akademik aloqalarni rivojlantirish, shuningdek, kelgusida amalga oshirilishi rejalashtirilgan yangi loyihalarga tayyorgarlik ko‘rish masalalari muhokama qilindi. Tomonlar kelgusidagi hamkorlik istiqbollarini kengaytirish, o‘zaro manfaatli loyihalarni muvaffaqiyatli amalga oshirish va barqaror akademik hamkorlikni yo‘lga qo‘yish maqsadida doimiy muloqotni davom ettirishga kelishib oldilar.
Yangiliklar
100
Arxitektura va restavratsiya sohalarida hamkorlik bo‘yicha uchrashuv
Toshkent arxitektura-qurilish universiteti Arxitektura fakulteti hamda “O‘ZSHAHARSOZLIK” Ilmiy-tadqiqot loyiha institutlari o‘rtasida hamkorlik doirasini kengaytirish maqsadida uchrashuv bo‘lib o‘tdi. Uchrashuv doirasida arxitektura sohasidagi ilmiy-tadqiqot faoliyatini rivojlantirish, arxitekturaviy loyihalash, tarixiy va madaniy meros obyektlarini restavratsiya, konservatsiya va qayta tiklash yo‘nalishlarida mutaxassislar tayyorlash bo‘yicha qo‘shma dasturlar va loyihalarni ishlab chiqish masalalari yuzasidan kelishuvlarga erishildi. Ushbu uchrashuv yakunida Toshkent arxitektura-qurilish universiteti va “O‘ZSHAHARSOZLIK” LITI o‘rtasida hamkorlik haqida rasmiy bitim imzolandi.
E'lonlar
126
Toshkent arxitektura-qurilish universiteti tanlov e’lon qiladi
Talaba-yoshlarning korrupsiyaga qarshi kurashish, startap va innovatsion tashabbuslarini qo‘llab-quvvatlash tizimini yo‘lga qo‘yish maqsadida Toshkent arxitektura-qurilish universiteti tanlov e’lon qiladi.Mazkur tanlov orqali iqtidorli talabalar tomonidan ilgari surilgan loyihalarni aniqlash, ularni rivojlantirish hamda amaliyotga joriy etish uchun zarur sharoitlar yaratish ko‘zda tutilgan.Tanlov yo‘nalishlariKorrupsiyaga qarshi kurashish bo‘yicha kreativ tashabbuslarStartap g‘oyalar va biznes loyihalarInnovatsion yechimlar va texnologik ishlanmalarLoyihalarni qabul qilish muddati: 2025-yil 1-maydan 15-maygacha.Qo‘shimcha ma’lumot uchun:+998 97 767 61 60
E'lonlar
139
Toshkent arxitektura-qurilish universitetida tahsil olayotgan xotin-qizlar oʻrtasidagi “Toʻmaris izdoshlari” nomli sport tanlovini e'lon qilamiz
Toshkent arxitektura-qurilish universitetida tahsil olayotgan xotin-qizlar oʻrtasidagi “Toʻmaris izdoshlari” nomli sport tanlovini e'lon qilamiz!Tanlov shartlari:1-shart. “Jamoani tanishtirish”2-shart. “Sport bilan hamnafasmiz”3-shart. “Birinchi tibbiy yordam”4-shart. Velosepedda uchish.Murojat uchun: guruh tyutorlari.Barcha talaba-qizlarni ushbu tanlovda faol ishtirok etishlarini soʻraymiz! Bellashing hamda gʻoliblikni qoʻlga kiriting.Nizom Toshkent shaharo
Tadbirlar
101
Toshkent arxitektura-qurilish universitetida "Sogʻlom turmush tarzi - toʻgʻri yashash ramzi" mavzusida ayollar oʻrtasida "Futbol" sport turi musobaqasi boʻlib oʻtdi
Unda universitetning Sport klub rais oʻrinbosari Gʻ.Ibragimovich, universitet Xotin-qizlar kengashi raisi N.Kurbanova, ayol professor-oʻqituvchilar va xodimlar ishtirok etdilar. Oʻzbekistonda ayollar futboli ayollar oʻrtasida rivojlanib borayotgan sport turi hisoblanadi. Hozirda Oʻzbekistonda 18 ta professional va bir qancha havaskor ayollar futbol klublari mavjud boʻlib, ular oʻrtasida Oliy Liga, Birinchi Liga, Oʻzbekiston kubogi va Oʻzbekiston Superkubogi musobaqalari oʻtkazilib kelinmoqda. Ajabmas universitetimiz latofatli, go'zal, har ishda mukammal ayollar jamoasi ushbu musobaqalarda qatnashib, g'oliblikni qo'lga kiritsa. Universitetda oʻtkazilgan musobaqa natijalariga koʻra quyidagilar gʻolib deb topildi:1-oʻrin Arxitektura jamoasi,2-oʻrin Qurilish jamoasi,3-oʻrin Rektorat jamoasi.Barcha gʻolib jamoalarni muborakbod etamiz! Musobaqa koʻtarinki ruhda judayam qizgʻin boʻlib oʻtdi. Barcha ishtirokchilar koʻtarinki kayfiyatda qatnashdilar.
E'lonlar
105
E'lon
2025-2026-yillarga mo‘ljallangan YUNESKO/Polsha Hukumatining muhandislik va arxeologiya sohasidagi stipendiyalar tanlovi haqidaHurmatli izlanuvchilar!YUNESKO ishlari bo‘yicha O‘zbekiston Respublikasi Milliy komissiyasi va Oliy ta’lim, Fan va Innovatsiyalar vazirligining 2025-yil 25-apreldagi 02/12-4/1-3677-sonli xatiga muvofiq, YUNESKO/Polsha Hukumatining 2025-2026-yillar uchun stipendiyalar tanlovi e’lon qilingan.Stipendiya maqsadi: Rivojlanayotgan mamlakatlarda muhandislik va arxeologiya sohalarida ilmiy izlanishlar olib borayotgan yosh mutaxassislarni qo‘llab-quvvatlash.Tanlov sohalari va loyihalar soni:Kompyuter texnologiyalari (3 ta loyiha)Biotibbiyot muhandisligi (2 ta loyiha)Tuproqshunoslik va atrof-muhit (9 ta loyiha)Atrof-muhit muhandisligi, konchilik va energiya (5 ta loyiha)Material ishlab chiqarish muhandisligi (1 ta loyiha)Mexanika muhandisligi (9 ta loyiha)Arxitektura bilan bog‘liq arxeologiya va konservatsiya (7 ta loyiha)Sotsiologiya fanlari (1 ta loyiha).Talablar:Ilmiy salohiyati yuqori bo‘lgan;Polsha Respublikasida 6 oy davomida malaka oshirishga tayyorligi;Arizalar ingliz yoki polyak tillarida tayyorlangan bo‘lishi kerak.Tanlovda ishtirok etmoqchi bo’lgan talabgorlar Oliy ilm-fan maktabi bo‘limga murojaat etishlari mumkin. Tel:55 5080275
Yangiliklar
314
Qo‘shma ta’lim dasturi asosida hamkorlik uchrashuvi
2025-2026 o‘quv yili uchun qo‘shma ta’lim dasturi asosida o‘qitishni yanada kengaytirish, talabalar almashinuvini yo‘lga qo‘yish hamda boshqa yo‘nalishlarda hamkorlik doirasini kengaytirish maqsadida, Toshkent arxitektura-qurilish Universitetiga Qozog‘iston Respublikasi Qizilo‘rda universitetidan delegatsiya tashrif buyurdi. Tashrif davomida turli masalalar muhokama qilinib, bakalavriat ta’lim yo‘nalishlari va magistratura mutaxassisliklariga 2025-2026 o‘quv yilida talabalarni qabul qilish bo‘yicha kelishuvlarga erishildi.