Yangiliklar
Tadbirlar
321
E'tibordasiz, e'tirofdasiz - aziz Ustozlar!
Toshkent arxitektura-qurilish universitetida 1-oktyabr - Oʻqituvchi va murabbiylar kuni munosabati bilan universitet pedagog oʻqituvchilari, xodimlari hamda faxriy professor-oʻqituvchilar ishtirokida bayram tadbiri boʻlib oʻtdi.Tadbirni universitet rektori B.A.Tulaganov ustoz va murabbiylarni bugungi kasb bayramlari bilan tabriklab, kelajak egalariga ta'lim-tarbiya berish yoʻlidagi faoliyatlariga ulkan muvaffaqiyatlar tilgan holda ochib berdi. Shuningdek Oʻzbekiston Respublikasi Qurilish va uy-joy kommunal xoʻjaligi vaziri Sh.S.Xidoyatov bayram mehmoni boʻlib, oʻzlarining dil isxorlari bilan barcha ta'lim sohasi vakillarini ushbu ulugʻ ayyom bilan muborakbod etdi. Vazirlik tomonidan bir qancha sovgʻalar topshirildi.Iqtidorli talabalar tomonidan ko'plab kuy-qoʻshiqlar, she'r va raqslar ijro etilib ustozlarni bayram bilan tabriklandi. Tadbir davomida universitet bir qator professor-oʻqituvchilari "Oliy ta'lim a'lochisi" koʻkrak nishoni hamda Kasaba uyushmasi qoʻmitasi tomonidan koʻp yillik samarali mehnati, kasbiga fidoiyligi va intellektual qobiliyati bilan yuksak hurmat va ehtiromga sazovor boʻlgan xodimlarga faxriy yorliq hamda esdalik sovgʻalari topshirildi.
Yangiliklar
264
Toshkent arxitektura-qurilish universiteti professor- o'qituvchilari bayramona kutib olindi
1-oktabr – O‘zbekiston ta’lim tizimida muhim sana: O‘qituvchi va murabbiylar kuni. Bu kun nafaqat o‘qituvchilar, balki bizning hayotimizda iz qoldirgan barcha ustozlar – bilim beruvchi, tarbiya qiluvchi va yo‘l-yo‘riq ko‘rsatuvchi insonlarga bag‘ishlangan.Erta tongdan Toshkent arxitektura-qurilish universitetida talabalarga ta'lim-tarbiya berishda, ularning jamiyat uchun nafi tegadigan komil shaxs bo'lishlarida mashaqqatli mehnat qilayotgan barcha professor-o'qituvchilar va xodimlar 1-oktyabr - Oʻqituvchi va murabbiylar kuni munosabati bilan universitet ostonasida mo'tabar ustozlar musiqasi sadolari ostida gullar bilan tantanali kutib olindi. Siz, aziz ustozlarni kasb bayramingiz bilan samimiy qutlaymiz!
Tadbirlar
117
“Korruptsiya – bilimga tahdid!” shiori ostida uchrashuv
Toshkent arxitektura-qurilish universitetida “Korruptsiya – bilimga tahdid!” shiori ostida faol talabalar bilan uchrashuv bo‘lib o‘tdi. Tadbirni Korruptsiyaga qarshi kurashish va komplaens nazorati bo‘limi boshlig‘i M. Isakjanov olib bordi.Suhbat davomida talabalarning taklif va mulohazalari tinglanib, universitetda antikorruptsiyaviy jamoatchilik nazoratini tashkil etish masalalari muhokama qilindi. Talabalar ta’lim jarayonida adolat, poklik va shaffoflikni ta’minlashda yoshlarning faol ishtiroki hal qiluvchi ahamiyatga ega ekanini ta’kidladilar.Shuningdek, tashabbuskor talabalar guruhi shakllantirilib, kelgusida turli antikorruptsiyaviy tadbirlarni amalga oshirish rejalari belgilab olindi. Uchrashuvning asosiy maqsadi – universitetda korruptsiyaga nisbatan murosasiz munosabatni kuchaytirish, shuningdek, talabalar uchun pok, sog‘lom va adolatli ta’lim muhitini ta’minlashdan iboratdir.
E'lonlar
134
Vazir va Yoshlar!
Qurilish va uy-joy kommunal xo‘jaligi vaziri Sh.Hidoyatovning yoshlar bilan muloqoti.Uchrashuvni Toshkent arxitektura-qurilish universiteti rektori B.A.Tulaganov kirish so'zi bilan ochib, so'zni Qurilish va uy-joy kommunal xo‘jaligi vaziri Sh.Hidoyatovga berdi.Vazir so‘zining avvalida bugungi kunda mamlakatimizda davlatimiz rahbari boshchiligida qurilish va uy-joy kommunal xo‘jaligi sohasida amalga oshirilayotgan ulkan o‘zgarishlarga to‘xtalib o‘tdi. Jumladan, sohada zamonaviy boshqaruv tizimlarini joriy etish, shaharsozlikni yangi bosqichga ko‘tarish, infratuzilmani modernizatsiya qilish, shuningdek, raqamlashtirish jarayonlari izchil amalga oshirilayotgani qayd etildi.Suhbat davomida davomida vazir yoshlarga murojaat qilib, ulardan ijodkorlik, tashabbuskorlik va yangicha fikrlashni talab etuvchi global jarayonlarga faol qo‘shilishni ta’kidladi.“Butun dunyo sayyohlarini lol qoldiradigan, O‘zbekistonning o‘ziga xos imzosiga aylanadigan binolarni loyihalashtiringlar. Har biringizning yaratuvchanlik ruhingiz, intilish va g‘oyalaringiz natijasida Vatanimizda o‘z davrining timsoliga aylangan, avlodlar faxr bilan eslaydigan me’moriy obidalar qad rostlashi kerak. Sizlarning chizgan loyihangiz, yaratayotgan inshootlaringiz nafaqat o‘quv jarayonidagi mashq, balki yurtimizning kelajak qiyofasini belgilab beradigan bebaho meros bo‘lishini istardim”, - deya ta’kidladi vazir. Shuningdek, talabalar tomonidan erishilayotgan yutuqlarni e’tirof etilib, ularga ilmiy izlanishlarda faol bo‘lish, xalqaro tanlovlarda munosib ishtirok etish va o‘z ustida doimiy ishlash zarurligi alohida qayd etildi.
E'lonlar
134
O‘zbekiston Respublikasi Prezidentining “Davlat oliy ta’lim tashkilotlariga o‘qishga qabul qilishning davlat buyurtmasi parametrlarini tasdiqlash to‘g‘risida”
“Vatandoshlar uchun” davlat grantlariga o‘tkaziladigan tanlovlarda ishtirok etish uchun nomzodlarga qo‘yiladigan talablar bo‘yicha. Batafsil...
E'lonlar
1312
Diqqat e'lon
Toshkent arxitektura-qurilish universitetida 2025/2026 - o'quv yili imtihon natijalariga ko'ra 56,7 va undan yuqori ball to'plab, lekin talabalikka tavsiya etilmagan abituriyentlarga o'qishga kirish uchun qo'shimcha imkoniyat va qulaylik yaratish maqsadida 2025/2026 -o'quv yili qabuli uchun tabaqalashtirilgan to'lov - kontraktning quyidagi miqdorlari belgilandi.Yuklab olishIzoh: qabul chegaralariga 4,05 ballgacha yetmagan abituriyentlar uchun tabaqalashtirilgan to'lov - kontrakt miqdori Vazirlar Mahkamasining 2025-yil 13-sentyabrdagi 578-son qarori bilan tasdiqlangan Nizom asosida belgilandi. Toshkent arxitektura-qurilish universiteti Qabul komissiyasi
E'lonlar
150
Doktorant va tayanch doktorantlarning ichki monitoring o‘tkazish sanasi va joyi to‘g‘risidagi ma’lumot
Doktorant va tayanch doktorantlarning ichki monitoring o‘tkazish sanasi va joyi to‘g‘risidagi ma’lumot
Yangiliklar
143
Toshkent arxitektura-qurilish universitetida Kengash majlisi
Universitet Kengash majlisida Korrupsiyaga qarshi kurashish “Komplaens-nazorat” tizimini boshqarish bo‘limi boshlig‘i M.Isakdjanov bo‘lim tomonidan amalga oshirilgan ishlar hamda yangi o‘quv yiliga mo‘ljallangan rejalar haqida ma’lumot berdi.Ta’kidlanganidek, o‘tgan davr mobaynida olib borilgan profilaktik tadbirlar natijasida universitetda korrupsion huquqbuzarliklarning kamayishiga erishildi. Shuningdek, shaffoflikni ta’minlashga qaratilgan mexanizmlar joriy etildi. Yangi o‘quv yilida esa Vazirlik tomonidan belgilangan topshiriqlar asosida mazkur yo‘nalishdagi ishlar izchil davom ettirilishi qayd etildi.Shu munosabat bilan, joriy yil mart oyida Prezidentimiz Milliy kengash yig‘ilishida ta’kidlagan quyidagi fikrlar yana bir bor eslatib o‘tildi:“Korrupsiya – islohotlar yo‘lidagi eng katta to‘siq va g‘ovdir. Korrupsiyaga qarshi kurash – umummilliy vazifa, har bir vatanparvar insonning burchidir.” Majlis yakunida halollik va mas’uliyat tamoyillariga qat’iy amal qilish, korrupsiyaga yo‘l qo‘ymaslik barcha uchun ustuvor vazifa ekani ta’kidlandi.
Tadbirlar
122
Toshkent arxitektura-qurilish universiteti Qurilish fakultetida “Korrupsiya – kelajakka tahdid” mavzusida davra suxbati tashkil etildi.
Unda Korrupsiyaga qarshi kurashish “Komplayens-nazorat” tizimini boshqarish bo‘limi boshlig‘i M.Isakdjanov tomonidan talabalarga korrupsiyaning jamiyat, ilm-fan va ayniqsa qurilish sohasi uchun qanday xavf tug‘dirishi haqida tushuntirish ishlari olib borildi.Tadbirda Yoshlar masalalari va ma'naviy-ma'rifiy ishlar boʻlimi boshligʻi N.Kurbanova tomonidan universitetning "Odob-axloq" kodeksi bilan tanishtirib oʻtdi.Korrupsiya — adolatga, taraqqiyotga va eng muhimi, inson hayotiga tahdid ekani ta’kidlandi. Talabalar adolatli va halol mehnat orqali haqiqiy mutaxassis bo‘lish, poraga “yo‘q” deyish jasorat emas, balki vijdon va mas’uliyat belgisi ekanini anglab yetishlari to‘g‘risida fikr bildirildi. Talaba yoshlarga “korrupsiya kelajakni vayron qiladi, yoshlarning sofligi esa uni muhofaza qiladi” degan fikr bilan amal qilishlari to‘g‘risida tushuncha berildi. Talabalarga korrupsiya va manfaatlar to‘qnashuviga oid murojaat qilishlari uchun quyidagi aloqa kanallari to‘g‘risida ma’lumotlar berib o‘tildi.