Yangiliklar
Tadbirlar
123
Toshkent arxitektura-qurilish universitetida “Konstitutsiya — erkin va farovon hayot garovi” mavzusidagi tadbir bo‘lib o‘tdi
Toshkent arxitektura-qurilish universitetida “O‘zbek va xorijiy tillar” kafedrasi tomonidan “Konstitutsiya — erkin va farovon hayot garovi” nomli tadbir hamda ushbu mavzu doirasida yozilgan maqolalar mualliflarini taqdirlash marosimi o‘tkazildi.Tadbirni Universitet ilmiy ishlar va innovatsiyalar bo‘yicha prorektori D.Sh. Mirdjalilova ochib berdi. Dastlabki kirish qismida “O‘zbek va xorijiy tillar” kafedrasi mudiri X. Zakirova tadbirning mazmun-mohiyati, maqsadi hamda Konstitutsiya bilan bog‘liq muhim jihatlar yuzasidan ishtirokchilarga qisqacha ma’lumot berdiShuningdek, ilmiy maqolalar tanlovining eng yaxshi mualliflarini tayyorlashda dotsent A. Nasreddinov, katta o‘qituvchi Ch. Azimova va assistent O. Fattoeva faol ishtirok etdilar. Tadbirga Toshkent davlat yuridik universiteti “Davlat va huquq nazariyasi” kafedrasi professori Igor Vladimirovich Kudryavtsev hamda o‘qituvchi Jahongir Abdumatalliyevich Qurbanov mehmon sifatida qatnashishdi.
E'lonlar
124
Xorijda Malaka Oshirish bo‘yicha Qo‘shma O‘quv Kursi
“2024-2030-yillarda xorijiy va mahalliy grant mablag’lari, shuningdek oliy ta’lim muassasalarining byudjetdan tashqari mablag’lari hisobidan professor-o‘qituvchilarni har yili xorijiy davlatlarga tajriba almashish uchun yuborish rejasi” ijrosini ta’minlash maqsadida qo‘shma malaka oshirish kursi tashkil etilmoqda.Yuqoridagilardan kelib chiqib, Finlandiya va Estoniya ta’lim tizimini o‘rganish va amaliyotga tatbiq etish maqsadida 2026-yil yanvar oyida “Pedagogik texnologiyalar va pedagogik mahorat” mavzusida navbatdagi bir oylik (144 - soat) qo‘shma malaka oshirish kursi 5 yanvardan - 15 yanvargacha Oliy ta’lim tizimi kadrlarini qayta tayyorlash va malakasini oshirish institutida (onlayn), 18 yanvardan - 28 yanvargacha Finlandiya va Estoniya davlatlaridagi TOP-OTMlarida hamda ta’lim muassasalarida (offlayn) tashkil etilishi rejalashtirildi. Kurslarni muvaffaqiyatli yakunlagan tinglovchilarga davlat namunasidagi malaka attestati hamda maxsus xorijda malaka oshirganlik to‘g‘risidagi sertifikat beriladi.Mazkur qo‘shma malaka oshirish kursiga o‘qish uchun tavsiya etilgan pedagog va boshqa xodimlar to‘g‘risidagi ma’lumotlarni ilovaga muvofiq tasdiqlangan holda 6-dekabr kuniga qadar Xalqaro Nordik universitetiga (niu_edu@exat.uz) taqdim etilishi so‘raladi.Malaka oshirish kursi haqida to‘liq ma’lumot: nordictraining.uz Izoh: Xorijdagi malaka oshirish 10-kun muddatga moʻljallanmoqda hamda Nomzodlardan til bilish darajasi talab qilinmaydi. Mashg’ulot va vizitlar uchun tarjimon jalb qilinadi.
E'lonlar
123
D. Serikbayev nomidagi Sharq-Qozoq texnik universitetida onlayn seminar
D.Serikbayev nomidagi Sharq-Qozoq texnik universiteti (VKТU) “Yashil universitet” mavzusida xalqaro onlayn seminar o‘tkazmoqda hamda Toshkenr arxitektura-qurilish universiteti xodimlari spiker yoki tinglovchi sifatida ishtirok etishga taklif qilingan.Ishtirokchilar ro‘yxatdan o‘tishni 2025-yil 5-dekabrgacha quyidagi havola orqali amalga oshiradilar: BatafsilD.Serikbayev nomidagi VKТU har yili UI Green Metric reytingida qatnashadi va universitetlarda “yashil” tashabbuslarni hamda BMT Barqaror rivojlanish maqsadlari (BRM)ni faol ravishda qo‘llab-quvvatlaydi.Seminar mavzusi universitetlarda barqaror rivojlanish maqsadlarini amalga oshirish, karbon izini kamaytirish, chiqindilarni saralab yig‘ish va qayta ishlash bo‘yicha yechimlar, energiya tejashni oshirish hamda oliygohlarning “yashil siyosati”ga oid boshqa masalalarni qamrab oladi.O‘tgan yili seminar asosiy mavzusi – universitet kampusida chiqindilarni saralab yig‘ish jarayonini tashkil etish masalasi bo‘lgan. Joriy yilda esa BRMni oliygoh hayotida ilgari surish bo‘yicha yoshlarning “yashil” tashabbuslarini muhokama qilish taklif etiladi. Shuningdek, spikerlar tomonidan boshqa mavzular ham taklif qilinishi mumkin.Seminar 2025-yil 11-dekabr kuni, Astana vaqti bilan 14:00–16:00 oralig‘ida bo‘lib o‘tadi.Seminar moderatori – Serikbayev nomidagi VKТU Barqaror rivojlanish ofisi xodimi Almaz Amirgazin. Ishchi tillar: ingliz tili / rus tili.Seminar ishtirokchilariga mos ravishda sertifikatlar taqdim etiladi. Seminar dasturi 2025-yil 8-dekabrdan keyin yuboriladi.
E'lonlar
275
Ichki monitoring o‘tkazish sanasi va joyi to‘g‘risidagi ma’lumot
Ichki monitoring o‘tkazish sanasi va joyi to‘g‘risidagi ma’lumot
Tadbirlar
156
“Zo‘ravonlikka qarshi 16 kun”
4-dekabr kuni Toshkent arxitektura-qurilish universitetida “25-noyabr – Xalqaro ayollarga nisbatan zo‘ravonlikka barham berish kuni” munosabati bilan tashkil etilgan “Zo‘ravonlikka qarshi 16 kun” xalqaro aksiya doirasida muhim targ‘ibot tadbiri o‘tkazildi. Ushbu yilgi aksiya “Xotin-qizlarga nisbatan raqamli zo‘ravonlikka barham berish uchun birlashaylik” shiori ostida o‘tkazilib, talaba-qizlar ongida zo‘ravonlikka nisbatan murosasizlik kayfiyatini shakllantirish, ularning huquqiy madaniyatini yuksaltirish hamda zamonaviy xavf-xatarlar haqida xabardorlikni oshirishga qaratildi.Tadbir Toshkent arxitektura-qurilish universiteti Xotin-qizlar maslahati kengashi raisi N. Kurbanova, fakultetlarda xotin-qizlar masalalari bo‘yicha dekan maslahatchilari hamkorligida tashkil etildi.Shuningdek, tadbirda Yunusobod tumani 4-sonli IIB XPB XKMB xotin-qizlar masalalari bo‘yicha katta inspektor, katta leytenant R. U. Ernazarova, katta inspektor, kapitan D. A. Ubaydullaeva, universitet psixologi M. Obidova va universitet hamshirasi D. Muhammedova ishtirok etib, o‘zlarining xizmat davomida to‘plagan tajribasi, amaliy misollar va foydali tavsiyalari bilan o‘rtoqlashdilar. Mutaxassislar tomonidan nafaqat ma’naviy-axloqiy jihatlar, balki raqamli makonda uchraydigan xavf-xatarlar, kiberzo‘ravonlik ko‘rinishlari va ulardan himoyalanish bo‘yicha ham batafsil tushuntirishlar berildi.Tadbir davomida talaba-qizlar uchun interaktiv savol-javob sessiyalari tashkil etilib, unda zo‘ravonlikning oldini olish mexanizmlari, huquqbuzarlik holatlarida murojaat qilish tartibi, xotin-qizlar huquqlarini himoyalovchi amaldagi qonunchilik normalari keng yoritildi. Ishtirokchilar o‘zlarini qiziqtirgan savollarga batafsil javob olishdi, shuningdek, faol fikr almashuv orqali o‘z taklif va tashabbuslarini bildirish imkoniyatiga ega bo‘ldilar. Ushbu uchrashuv talaba-qizlar orasida ijtimoiy faollikni oshirish, ularni ogohlikka chorlash, jamiyatda zo‘ravonlikka qarshi murosasiz munosabatni qaror toptirishga xizmat qilgan muhim muloqot maydoniga aylandi. Tadbir yakunida ishtirokchilarga tegishli ma’lumotnomalar, tavsiyalar va kerakli manzillar taqdim etildi.
Yangiliklar
134
Toshkent arxitektura-qurilish universitetida ustoz-shogird an’analari izchil davom etmoqda
Toshkent arxitektura-qurilish universitetining Bino va inshootlar qurilishi kafedrasi professori Miralimov Mirraxim Mirmaxmudovich talabalar bilan uchrashuv o‘tkazdi.Uchrashuv davomida ustoz universitetimizda so‘nggi yillarda keng yo‘lga qo‘yilgan ustoz-shogird an’analarining mazmun-mohiyati, talabalarning kasbiy rivojlanishidagi ahamiyati haqida batafsil ma’lumot berdi.Shuningdek, professor Miralimov vazirliklar tomonidan talabalar va ularning ota-onalariga yo‘llangan murojaatnoma videoroligini taqdim etib, unda yoshlarga giyohvandlikning zararli oqibatlari haqida berilgan ogohlantirishlarni alohida ta’kidladi. Uchrashuv davomida talabalar universitetda amalga oshirilayotgan yangiliklar, o‘zgarishlar va imkoniyatlar haqida ham ma’lumotga ega bo‘ldilar.
Tadbirlar
154
"3-dekabr Xalqaro nogironlar kuni"
Toshkent arxitektura-qurilish universiteti Arxitektura fakulteti tyutorlari boshchiligida "3-dekabr Xalqaro nogironlar kuni" munosabati bilan Toshkent shahrida joylashgan Kasbiy koʻnikmalar markazida koʻngilli talabalar bilan birgalikda xayriya tadbiri boʻlib oʻtdi. Bundan asosiy maqsad — mehr-muruvvat, hamjihatlik va ijtimoiy faollik qadriyatlarini yoshlar ongida mustahkamlash, shuningdek, ehtiyojmand insonlarga e’tibor va ko‘mak ko‘rsatishdan iborat bo‘ldi. Talabalar nogironlar uchun turli sovg‘alar, kitoblar va zaruriy o‘quv anjomlarini topshirishdi. Shuningdek, ular bilan samimiy suhbatlar, kichik sahna ko‘rinishlari va quvonchli o‘yinlar tashkil etildi, nogironlarga bayramona kayfiyat ulashildiUshbu ezgu tashabbus nogironlar qalbida mehr va e’tibor uyg‘otdi, talabalarda esa ijtimoiy mas’uliyat va insonparvarlik fazilatlarini rivojlantirishga xizmat qildi. Tadbir barcha ishtirokchilar uchun mazmunli va unutilmas bo‘ldi.
Yangiliklar
140
“SHAHARSOZ 2025” tanlov g’oliblari aniqlandi
O‘zbekiston Yosh Me’morlar Assotsiatsiyasi tomonidan UZUM milliy raqamli ekotizimi hamkorligida ta’sis etilgan “SHAHARSOZ 2025” mukofoti doirasida O‘zbekistonning yangi avlod me’morlarining ulkan g‘oyalari taqdim etildi hamda 5 ta nominatsiya bo‘yicha g‘oliblarni tantanali taqdirlash marosimi bo‘lib o‘tdi.Tanlov quyidagi nominatsiyalar bo‘yicha o‘tkazildi:ShaharsozlikArxitektura KonstruktsiyalarUZUM mahalla – jamoat makonlariUZUM mahalla – kichik arxitektura shakllariMazkur tanlovda respublikamizning arxitektura yo‘nalishidagi yetakchi oliy ta’lim muassasalari, shuningdek, bir qator xorijiy nufuzli universitetlar talabalari tomonidan taqdim etilgan 150 dan ortiq loyiha o‘zaro bellashdi.Tadbirning eng yorqin lahzalaridan biri shundaki, 5 ta nominatsiyaning 4 tasida g‘alaba aynan Toshkent arxitektura-qurilish universiteti Arxitektura fakulteti talabalari — Malikova Dinara, Kamilova Mahdiya, Amanova Shahlo va Eshnazarov Jahongirga nasib etdi.Shu munosabat bilan TAQU ushbu nufuzli tanlovning eng yuksak mukofoti — “YIL UNIVERSITETI” unvoniga sazovor bo‘ldi. Kuchli raqobatga qaramay, Toshkent arxitektura-qurilish universiteti yana bir bor mamlakatning yetakchi “Arxitektura maktabi” ekanini amalda isbotladi.
Tadbirlar
111
"Konstitutsiya-huquq va erkinligimiz kafolati" mavzusida tadbir boʻlib oʻtdi
Toshkent arxitektura-qurilish universitetida O‘zbekiston Respublikasi Konstitutsiyasining 33 yilligiga bagʻishlab "Konstitutsiya-huquq va erkinligimiz kafolati" mavzusida tadbir boʻlib oʻtdi. Tadbirni Yoshlar masalalari va ma'naviy-ma'rifiy ishlar prorektori S.Mardov ochib berdi. Mazkur olimpiada talabalarning huquqiy savodxonligini oshirish, Konstitutsiyaning mazmun-mohiyati va unda belgilangan demokratik tamoyillarni chuqur anglashlariga ko‘maklashish, shuningdek ularni ijtimoiy-siyosiy jarayonlarga faol jalb etish maqsadida o‘tkazildi.Olimpiada natijalariga ko‘ra quyidagi talabalar faxrli o‘rinlarni egallashdi:🥇-oʻrin: 5-24 guruh talabasi Mamatxanova S.A; 🥈-oʻrin: 1-25 guruh talabasi Ismoilov A.A;🥉-oʻrin: 25-25 guruh talabasi Asqarov M.Z gʻolib deb topildi. G‘oliblar diplom bilan taqdirlandi.