Yangiliklar
Tadbirlar
315
O'zbek tili va adabiyot kafedrasi tomonidan ochiq dars bo'lib o'tdi
2025 yil 26 mart kuni 28-24 QMr guruhida Qurilish fakultetining 108-auditoriyasida “O’zbek tili” fanidan “Alisher Navoiy-so’z mulkining sultoni. Grammatika. So’z turkumlari” mavzusida ochiq dars o‘tkazildi. Ochiq darsda “O’zbek tili va adabiyoti” kafedrasi professor-o’qituvchilari dotsent kafedra mudiri N.A.Aripova, katta o’qituvchilar O.G’G’ulomov,J.S.Dalakyan, Ch.A.Azimova, assistentlar G.Sh.Yuldasheva, O.N.Fattoyeva, Sh.Q.Jo’rayev, M.A.Eshonov, F.Sh.Salayevlar ishtirok etishdi. Ochiq dars yuqori saviyada tashkil etilgan bo’lib, talabalarga bajarishi uchun kerakli tarqatma materiallar bilan ta’minlandi.Talabalar ishni amalda bajarib, aniq natijalarga erishdilar. Ochiq darsda kompyuter, ekran, proektordan o’z o’rnida foydalanildi va o‘qituvchi tomonidan “Alisher Navoiy-so’z mulkining sultoni. Grammatika. So’z turkumlari” mavzusidagi prezentatsiya hamda videolavha namoyish etildi. Ochiq dars jarayonida talabalar tomonidan mavzu yaxshi o‘zlashtirilishi uchun to‘liq harakat qilindi. Har bir talaba Alisher Navoiyning ruboiy va g’azallaridan aytib berishdi. Dars jarayonida talabalarning barchasi faol ishtirok etishdi.
Tadbirlar
249
Faxriylar kengashi faxriysi Magametova Gulshaira Islamovna bilan davra suhbati bo'lib o'tdi
Toshkent arxitektura-qurilish universitetida shaharsozlik va arxitektura sohasida uzoq yillik tajribaga ega mutaxassis, Faxriylar kengashi faxriysi, “O‘zshaharsozlik LITI” DUK bosh me’mori Magametova Gulshaira Islamovna bilan uchrashuv bo‘lib o‘tdi. Uchrashuv davomida G. Magametova o‘zining kamida 50 yildan ortiq mehnat faoliyati davomida amalga oshirgan yirik qurilish loyihalari haqida so‘zlab berdi. U G‘alaba va Navro‘z bog‘lari, Oloy bozori hamda bir necha yirik obyektlarning qurilishi va rekonstruksiyasida loyiha bosh arxitektori sifatida ishtirok etgan hamda mualliflik nazoratini amalga oshirgan. Tadbir davomida talabalar bilan qizg‘in davra suhbati o‘tkazilib, ularning savollariga javob berildi. Uchrashuv yosh mutaxassislar uchun ilhomlantiruvchi va manfaatli bo‘ldi.
E'lonlar
248
Toshkent arxitektura-qurilish universiteti xodimlari diqqatiga!
Sizlarni joriy yilning 26-mart kunida Toshkent arxitektura-qurilish universiteti “O’zbek tili va adabiyoti” kafedrasi O'zbek tili fani katta o’qituvchisi R.Sh.Turdibekova tomonidan “Alisher Navoiy-so'z mulkining sultoni. Grammatika. So'z turkumlari" mavzusida ochiq dars bo’lib o’tadi. 26-mart16:30 da 1-bino, 108-xonaBarcha xodimlarni faol ishtirok etishlarini va o'z fikr-mulohazalarini bildirishlarini so'raymiz.
Yangiliklar
278
Toshkent arxitektura-qurilish universiteti va Milan universiteti o‘rtasida hamkorlik masalalari muhokama qilindi
Toshkent arxitektura-qurilish universitetiga Italiyaning Milan universiteti prorektori, professor Davide Del Curto tashrif buyurdi. Uchrashuv davomida tomonlar ilmiy-tadqiqot, akademik almashinuv va qo‘shma ta’lim dasturlarini rivojlantirish masalalarini muhokama qildilar. Mazkur uchrashuv universitetning xalqaro hamkorlik aloqalarini kengaytirish va ta’lim jarayonini xalqaro standartlarga moslashtirishga qaratilgan navbatdagi muhim qadam bo‘ldi.
Tabrik
241
Hurmatli professor-o‘qituvchilar, aziz talabalar, qadrli yurtdoshlar!
Tabiat uyg‘onib, yangi hayot nashidasi taralayotgan, qalblarga bahoriy shodlik va ezgulik bag‘ishlaydigan, xalqimizning milliy o‘zligining yorqin ramzi bo‘lgan Navro‘z bayrami bilan sizlarni chin qalbimdan tabriklayman! Navro‘z – bu faqatgina faslning almashinuvi emas. Bu – tinchlik va barqarorlik, mehr-oqibat va hamjihatlik, tabiat va inson uyg‘unligini o‘zida mujassam etgan, ming yillar davomida avlodlarimiz ruhiyatida chuqur iz qoldirib kelayotgan ulug‘ ayyomdir. Ushbu kun o‘zida ezgulik, saxovat, bunyodkorlik, yangilanish va hamjihatlik tamoyillarini mujassam etgani bilan har birimiz uchun qadrli va azizdir. Me’morchilik va qurilish ilmi Navro‘z falsafasi bilan uyg‘un biz yangi binolar, muhtasham inshootlar, yashash uchun qulay va zamonaviy shaharlar yaratishda hamisha bunyodkorlik ruhidan ilhom olamiz. Universitetimiz jamoasi bugungi kunda ilm-fan va amaliyotni uyg‘unlashtirib, xalqaro standartlar asosida ta’limni rivojlantirish, xorijiy hamkorlikni kengaytirish hamda zamonaviy arxitektura va qurilish sohasiga innovatsion yondashuvlarni joriy etish yo‘lida izchil harakat qilmoqda. Navro‘z – bizga xayrli niyatlar qilish, kelajakka yorug‘ umid bilan qarash, ko‘ngillarga ezgulik va mehr bag‘ishlash uchun berilgan imkoniyatdir. Shu bois, bugungi kunda biz Navro‘z ruhi bilan ilhomlanib, ilm-fan va ijodda yangi marralarni zabt etish, mustahkam bilim va fidokorona mehnat bilan yurtimiz taraqqiyotiga munosib hissa qo‘shishimiz kerak. Bu bahoriy bayram barchamizga baxt va baraka, oilalarimizga fayzu farovonlik, yurtimizga tinchlik va taraqqiyot olib kelsin! Yuragimiz Navro‘zdek musaffo, orzu-intilishlarimiz yuksak, maqsadlarimiz ulkan bo‘lsin!Navro‘zingiz muborak bo‘lsin!Hurmat bilanToshkent arxitektura-qurilish universiteti rektori B. A. Tulaganov.
Yangiliklar
313
Innovatsion rivojlanish agentligi direktori Toshkent arxitektura-qurilish niversitetiga tashrif buyurdi
Innovatsion Rivojlanish Agentligi direktori Rajabbayev Sharof Raximberdiyevich Toshkent arxitektura-qurilish universitetiga tashrif buyurdi. Tashrifdan maqsad – universitetning ilmiy, innovatsion va ta’lim sohasidagi imkoniyatlari hamda yaratilgan sharoitlar bilan tanishishdan iborat bo‘ldi. Universitet rektori Baxrom Tulaganov delegatsiya a’zolarini universitet bo‘ylab ekskursiya qildirib, oliygohning zamonaviy laboratoriyalari, o‘quv va tadqiqot infratuzilmasi hamda xalqaro standartlarga mos shart-sharoitlari haqida batafsil ma’lumot berdi. Tashrif davomida universitet va Innovatsion Rivojlanish Agentligi o‘rtasida kelgusidagi hamkorlik masalalari muhokama qilindi.
Yangiliklar
283
Toshkent arxitektura-qurilish universiteti va “O‘zmilliybank” AJ o‘rtasida hamkorlik memorandumi imzolandi
Toshkent arxitektura-qurilish universiteti rektori v.v.b B.A. Tulaganov va “O‘zmilliybank” AJ direktori E.A. Xoshimov “Kelajakka qadam” dasturi doirasida hamkorlik memorandumini imzoladilar. Ushbu memorandumning asosiy maqsadi universitet bitiruvchilarini ish bilan ta’minlash va ularning professional rivojlanishiga ko‘maklashishdan iborat. Hamkorlik doirasida talabalarga amaliyot o‘tash, malaka oshirish va kelgusida o‘z kasbiy faoliyatini boshlash uchun zarur shart-sharoitlar yaratish rejalashtirilgan. Mazkur tashabbus yosh mutaxassislarning mehnat bozoriga integratsiyasini tezlashtirish hamda ularning bilim va ko‘nikmalarini real loyihalar asosida mustahkamlashga xizmat qiladi.
Tadbirlar
390
Jamiyat falsafasi’’ mavzusida ochiq dars mashg’uloti o’tkazildi
2025-yil 19-mart kuni Muhandislik fakulteti 3-bino, 401-xonada 64-23 MMo’ guruhida katta oqituvchi Ch.A.Azimova tomonidan “Falsafa fanidan “Jamiyat falsafasi mavzusida ochiq dars mashg’uloti o’tkazildi. Ochiq darsda “Ozbek tili va adabiyoti kafedrasi mudiri, dotsent N.A.Aripova, dotsent. A.Nasridinov, dotsent L.A.Xalmamatova, katta oqituvchi R.Sh.Turdibekova, assistent A.Sh.Qurbonnazarov, assistent O.N.Fattoyeva, assistent G.Sh.Yuldasheva va guruh tyutori N.Sh.Xidoyatovalar tashrif buyurdilar. Ochiq dars yuqori saviyada tashkil etilgan bolib, dastlab oqituvchi va talabalar hamkorligida jamiyat tushunchasining mohiyati va uning rivojlanish bosqichlari, jamiyat rivojlanishining iqtisodiy, siyosiy va manaviy asoslari, Yangi Oʻzbekiston Taraqqiyot strategiyasi va yangilangan Konstitutsiyaning ijtimoiy ong transformatsiyasiga ta’siri, Oʻzbekistonda “Yangi maʼnaviy muhit yaratish” va “Maʼrifatli jamiyat” konsepsiyasi haqida ilmiy asoslangan ma’lumotlar berildi. Ochiq dars jarayonida talabalar tomonidan mavzu yaxshi ozlashtirilishi uchun toliq harakat qilindi. Shuningdek, talabalarning ham mavzu yuzasidan fikr-mulohazalarini organish maqsadida interfaol metodlar va mavzuga doir videoroliklardan unumli foydalanilib, topshiriqlar berildi. Qizg’in bahs-munozara shaklida olib borilgan dars jarayonida talabalarning barchasi faol ishtirok etishdi va ozlarini qiziqtirgan savollariga javoblar olishdi.