Yangiliklar
Yangiliklar
233
"Yoshlar korrupsiyaga yoʻq deydi" mavzusida "Eng yaxshi rasmlar", "Eng yaxshi insholar", "Eng yaxshi videoroliklar" tanlovi iqtidorli talaba-yoshlar oʻrtasida boʻlib oʻtdi
Toshkent arxitektura-qurilish universitetida "Xalqaro korrupsiyaga qarshi kurashish" kuni munosabati bilan "Yoshlar korrupsiyaga yoʻq deydi" mavzusida "Eng yaxshi rasmlar", "Eng yaxshi insholar", "Eng yaxshi videoroliklar" tanlovi iqtidorli talaba-yoshlar oʻrtasida boʻlib oʻtdi.Hay'at a'zolari har bir ishtirokchining ijodiy ishlarini baholashda uning mazmuni, mantiqiy va badiiy ifodaviyligiga alohida e'tibor qaratishdi. Mazkur tanlovning "Eng yaxshi rasmlar" yoʻnalishi natijalariga koʻra quyidagilar gʻolib deb topildi:1-oʻrin: Ro'ziboyev Shaxriyor 21-25 guruh talabasi; 2-oʻrin: Raxmatova Sarvara 16-25 guruh talabasi; 3-oʻrin: Bazarbayeva Umida 4-24 guruh talabasi."Eng yaxshi insholar" yoʻnalishi natijalariga koʻra quyidagilar gʻolib deb topildi:1-oʻrin: Mamatxonova Sevinch 5-24 guruh talabasi;2-oʻrin: Abdumuxtorova Diyoraxon 1-25 guruh talabasi;3-oʻrin: Mirmuxammadova Dilnoza 5-25 guruh talabasi."Eng yaxshi videoroliklar" yoʻnalishi natijalariga koʻra quyidagilar gʻolib deb topildi: 1-oʻrin: 6-25 guruh talabalari;2-oʻrin: 1-25 guruh talabalari;3-oʻrin: 2-25 guruh talabalari. Gʻoliblarni muborakbod etamiz va biz siz bilan fahrlanamiz!
-20251211112345.jpg)
Yangiliklar
198
Toshkent arxitektura-qurilish universiteti talabalari ʻʻSoy bo'yiʼʼ qurilish obʼektiga tashrif buyurishdi
Toshkent arxitektura-qurilish universiteti ʻʻQurilish muhandisligiʼʼ kafedrasi dotsenti Usmanxodjayeva L.A. rahbarligida 2- va 3-bosqich talabalari Oʼzbekiston Respublikasidagi yetakchi qurilish tashkiloti tomonidan barpo etilayotgan Toshkent shahri Uchtepa tumanida joylashgan ʻʻSoy bo'yiʼʼ qurilish obʼektiga tashrif buyurishdi. Obʼekt qurilishi 4 bosqichga mo'ljallangan bo'lib 2028-yilda aholiga topshiriladigan turar joy majmuasidir. Malakali loyihachilar tomonidan loyihalangan hamda Toshkent arxitektura-qurilish universiteti bitiruvchilari nazorati va ishtirokida barpo etilayotgan turar joy majmuasi tom ma'noda sifatli qurilish materiallari va innovatsion texnologiyalar qo'llanilgan baxt qoʼrgʻoni namunasidir. Talabalar mutaxassislarga oʼzlarini qiziqtirgan savollarni berdilar, olgan nazariy bilimlarini amaliy sharoitda koʼrishga muyassar boʼldilar, qurilish sohasiga qiziqishlari yanada ortdi.
Tadbirlar
224
“Ustozim – hayotim chirogʻi” mavzusida tadbir boʻlib oʻtdi
Toshkent arxitektura-qurilish universiteti “Qurilish mexanikasi va seysmik muhandislik” kafedrasi professor-oʻqituvchilari tomonidan “Ustozim – hayotim chirogʻi” mavzusida tadbir boʻlib oʻtdi.Unda talabalar orasida ustoz va o‘qituvchilarga hurmat, bilimga intilish va ma’naviy qadriyatlarni oshirishga qaratilgan suhbatlar o‘tkazildi. Tadbir davomida talabalar uchun maxsus maqol o‘yinlari tashkil qilindi, unda ishtirokchilar o‘zlarining tafakkur qobiliyati va bilimlarini sinab ko‘rish imkoniga ega bo‘ldilar.Bellashuvda quyidagi talabalar gʻolib boʻldilar:•1-oʻrin: 21-24 QMo‘ guruh talabasi Nekov Sanjar;•2-oʻrin: 28-23 GGo‘ guruh talabasi Moyliyev Xasan;•3-oʻrin: 42-23 PTo‘ guruh talabasi Asrorov Dilshod.Gʻoliblar kafedra professor-oʻqituvchilari tomonidan maxsus sovgʻalar bilan taqdirlandi. Talabalar ustozlarga hurmat va ehtiromni kuchaytiruvchi, bilimga intilish va ma’naviy tarbiya haqida falsafiy va ma’rifiy tushuntirishlar oldilar, bu esa ularning shaxsiy va ijtimoiy rivojlanishiga xizmat qildi.
Yangiliklar
146
Toshkent arxitektura-qurilish universiteti talabalari ʻʻHigh Town Cityʼʼ qurilish majmuasi bilan tanishish maqsadida tashrif buyurdilar
Toshkent arxitektura-qurilish universiteti Qurilish muhandisligi kafedrasi dotsenti K. Shukurova va katta oʻqituvchi D. Saydullayeva 47-22 va 54-22 guruh talabalari bilan birgalikda Yunusobod tumanida yangi qurilgan ʻʻHigh Town Cityʼʼ qurilish majmuasi bilan tanishish maqsadida tashrif buyurdilar. Uchrashuv jarayonida talabalar ʻʻHigh Town Cityʼʼ majmuasining koʻp funksiyali obyektlari hamda majmua oʻz ichiga olishi rejalashtirilgan 24 qavatli 5 yulduzli mehmonxonaning qurilish jarayoni bilan tanishdilar.
E'lonlar
148
Hurmatli professor-o‘qituvchilar va talabalar!
Sizlarni 2025-yil 10-dekabr kuni soat 15:00 da 3-bino Muhandislik fakultetining 2-qavat, 207-auditoriyasida “Технология стекла и керамических материалов” fanidan “Керамические глазури и пигменты” mavzusida o‘tkaziladigan ochiq darsga taklif etamiz. O‘qituvchi: “Qurilish materiallari va konstruksiyalari texnologiyasi” kafedrasi dotsenti (PhD) Muxamedbayev Abdugafur Abduvaliyevich
Yangiliklar
253
Toshkent arxitektura-qurilish universitetida “Konstitutsiya — baxtimiz qomusi!” shiori ostida “Zakovat” intellektual o‘yini o‘tkazildi
Toshkent arxitektura-qurilish universitetida Kasaba uyushmasi hamda Yoshlar masalalari va ma’naviy-ma’rifiy ishlar boshqarmasi hamkorligida, universitetning professor-o‘qituvchilari va xodimlari o‘rtasida 8-dekabr — O‘zbekiston Respublikasi Konstitutsiyasining 33 yilligi munosabati bilan “Konstitutsiya — baxtimiz qomusi!” shiori ostida “Zakovat” intellektual o‘yini tashkil etildi.Tadbirda universitet Kasaba uyushmasi raisi Kasimova Feruza Ergashevna hamda “Zakovat” professional klubi a’zosi Jabborov Yodgorbek hakamlik qildilar.Intellektual bellashuvda jami 9 ta jamoa ishtirok etdi. O‘yin yakunlariga ko‘ra g‘oliblik quyidagi tartibda taqsimlandi:1-o‘rin — “Iqtisod” jamoasi2-o‘rin — “Bino va inshootlar” jamoasi3-o‘rin — “Ekologlar” jamoasi G‘olib jamoalar universitet Kasaba uyushmasi tomonidan qimmatbaho sovg‘alar bilan taqdirlandilar.
Tadbirlar
175
“Konstitutsiya — baxtimiz qomusi”
8-dekabr — Oʻzbekiston Respublikasi Konstitutsiyasi qabul qilingan kun munosabati bilan SOS Oʻzbekiston Bolalar Mahallalari uyushmasi Toshkent filialida Toshkent arxitektura-qurilish universitetining Arxitektura fakulteti tomonidan bayram tadbiri tashkil etildi. Tadbirda Arxitektura fakulteti Talabalar masalalari va maʼnaviy-maʼrifiy ishlar boʻyicha dekan muovini Y. Gʻ. Mamasharipov, fakultet “Xotin-qizlar masalalari” boʻyicha dekan maslahatchisi D. Axmadjanovna, tyutorlar va fakultet talabalari ishtirok etdilar.Tadbir davomida talabalar koʻtarinki ruhda milliy kuy-qoʻshiqlar, aytishuvlar va raqslar bilan ishtirok etdilar. Shuningdek, tyutorlar va talabalar Oʻzbekiston Respublikasi Konstitutsiyasining o‘zgarishlari hamda moddalari yuzasidan maʼlumotlar taqdim etdilar. Mehribonlik uyi rahbari D. S. Sultanova soʻzga chiqib, ushbu tadbirni tashkil etishda faol ishtirok etgan universitet rahbariyati, fakultet tyutorlari va talabalarga Mehribonlik uyi rahbariyati nomidan minnatdorchilik bildirdi va ularni tashakkurnomalar bilan taqdirladi.
Yangiliklar
205
“Korruptsiya tushunchasi va uning oqibatlari” mavzusida seminar tashkil etildi
Toshkent arxitektura-qurilish universiteti huzuridagi Pedagog kadrlarni qayta tayyorlash va ularning malakasini oshirish tarmoq markazi tinglovchilari uchun universitetning “Korruptsiyaga qarshi kurashish — komplaens nazorat tizimini boshqarish” bo‘limi boshlig‘i M. Isakdjanov tomonidan “Korruptsiya tushunchasi va uning oqibatlari” mavzusida seminar tashkil etildi.Tadbir davomida ishtirokchilarga korruptsiyaning asosiy ko‘rinishlari, uning ta’lim jarayoni hamda tashkilot rivojiga yetkazishi mumkin bo‘lgan salbiy oqibatlari haqida batafsil ma’lumot berildi. Shuningdek, korruptsiyaning oldini olish, manfaatlar to‘qnashuvini bartaraf etish va samarali profilaktika mexanizmlarini joriy etish bo‘yicha tushunchalar yoritildi. Seminar davomida tinglovchilarga amaliy misollar, huquqiy asoslar hamda komplaens nazorat tizimining ahamiyati bo‘yicha foydali tavsiyalar taqdim etildi. Tadbir so‘ngida ishtirokchilar mavzu yuzasidan o‘zlarini qiziqtirgan savollarga javob oldilar.
Yangiliklar
353
Toshkent arxitektura-qurilish universiteti rektori Baxrom Tulaganov Navoiy davlat konchilik va texnologiyalar universitetida bo‘lib o‘tgan “Muruntov” forumida faol ishtirok etdi
Navoiy davlat konchilik va texnologiyalar universitetida tashkil etilgan “Muruntov” forumi doirasida tarmoq–korxona–oliy ta’lim muassasasi hamkorligi, ekologiya va suv resurslarini boshqarish, yangi ilmiy hamkorlik yo‘nalishlari hamda ilmiy-tadqiqot faoliyatini rivojlantirish masalalari keng muhokama qilindi. Tadbirda Toshkent arxitektura-qurilish universiteti rektori Baxrom Tulaganov faol ishtirok etib, universitetlar o‘rtasida o‘zaro tajriba almashish, istiqboldagi qo‘shma ilmiy loyihalar va innovatsion tashabbuslarni amalga oshirish bo‘yicha takliflarni ilgari surdi.