Yangiliklar
Tadbirlar
79
Toshkent arxitektura-qurilish universitetida bayramona dastur va unutilmas lahzalar
Toshkent arxitektura-qurilish universitetida Yangi yil arafasida kechki ta'lim talabasi Abdurashidov Azamat boshchiligida bayramona muhit yaratildi.Yangi yil shousida talabalar o‘zining iste’dodi va ijodiy chiqishlari bilan bayram shukuhini his qildirdilar. Musiqa, raqs va kulgiga boy boʻlgan dasturlar ishtirokchilar va tomoshabinlar uchun unutilmas taassurot qoldirdi. Talabalar tomonidan tayyorlangan sho‘x musiqiy chiqishlar esa zalni quvonch va olqishlarga to‘ldirdi. Bayram dasturida turli xil qiziqarli oʻyinlar tashkil etilib, barchaga yuqori kayfiyat bagʻishladi. Gʻolib boʻlgan ishtirokchilarga qorbobo va qorqiz tomonidan sovgʻalar taqdim etildi.
E'lonlar
119
“BINUS” universiteti TAQU talabalar uchun bakalavriat va magistratura bosqichlarida tahsil olish uchun grant dasturlarini taklif qilmoqda
Maʼlumot uchun: “BINUS” universiteti Indoneziyadagi yetakchi xususiy oliy taʼlim muassasasi bo‘lib, mamlakat bo‘ylab 12 ta kampusga ega. Talabalar soni 40 ming. Universitet IT, biznes, moliya, kommunikatsiya va dizayn yo‘nalishlaridagi dasturlari bilan shuhrat qozongan.“QS World University Rankings” agentligi maʼlumotiga ko‘ra, Indoneziyada birinchi raqamli xususiy universitet sanaladi, Osiyoda – 165 va dunyoda – 851-900 oralig‘idagi o‘rinlarni egallab kelmoqda.Bakalavriat yo‘nalishida talabalar ingliz tilida 9 ta mutaxassislik bo’yicha tahsil oladi hamda universitet talabalarning kontrakt to‘lovi va yotoqxona xarajatlarini to‘liq qoplab beradi (batafsil maʼlumot ilovada).Magistratura (International MBA/MM Professional) – 1 yarim yilga mo‘ljallangan bo‘lib, unga ish tajribasiga ega mutaxassislar, rahbar xodimlar, menejerlar va tadbirkorlar qabul qilinadi. Kuzgi semestrga hujjatlar 2026-yil 15-mayga qadar qabul qilinadi.1. Indoneziyagrant ilova batafsil...2. Indoneziyagrant ilova batafsil...3. Indoneziya grant ilova batafsil...
E'lonlar
77
“Kvant maʼlumotni qayta ishlash boʻyicha 29 anjuman” (QIP 2026)
2026-yil 24-30-yanvar kunlari Riga shahrida “Kvant maʼlumotni qayta ishlash boʻyicha 29 anjuman” (QIP 2026) boʻlib o‘tishi rejalashtirilgan.Mazkur tadbir doirasidagi kvant hisoblash, kriptografiya va maʼlumotlar nazariyasiga oid sessiyalarga Oʻzbekistondan olimlar, professor-oʻqituvchilar va talabalar ishtirok etishi taklif etilmoqda (taklifnoma va batafsil maʼlumot ilova qilinadi).Tadbirda roʻyxatdan oʻtish muddati 2026-yil 12-yanvar va aloqa uchun Latviya elchixonasining xodimi Elena Puntsule mas’ul etib belgilangan (tel: 90 186-79-38). Yuqoridagilardan kelib chiqib, www.qip2026.lu.lv internet veb-sahifasida keltirilgan maʼlumotlarni batafsil oʻrganib chiqishingiz mumkin.
E'lonlar
84
Belarus Milliy Texnika Universiteti professor-o‘qituvchilari uchun malaka oshirish va stajirovka dasturlarini taklif etadi
Belarus Milliy Texnika Universiteti (БНТУ) huzuridagi “Texnika, texnologiya va iqtisodiyotning yangi rivojlanish yo‘nalishlari bo‘yicha kadrlarni qayta tayyorlash va malaka oshirish instituti” O‘zbekiston oliy ta’lim muassasalari professor-o‘qituvchilari uchun malaka oshirish va stajirovka dasturlarini taklif etadi.Dastur yo‘nalishlari:innovatsion ta’lim texnologiyalari va metodikasi;ta’lim va ilmiy faoliyatda sun’iy intellekt;zamonaviy elektron axborot resurslari;mehnat psixologiyasi asoslari;elektron ta’lim kommunikatsiyasi psixologiyasi;professional faoliyatda texnokultura.Malaka oshirish hajmi – 144 soat.O‘qish shakli: an’anaviy, masofaviy yoki aralash.O‘qish Belarus Respublikasida yetakchi sanoat korxonalariga tashriflar bilan tashkil etilishi mumkin.O‘qish narxi: 300 AQSh dollaridan boshlab.Yashash joyi: Belarus Milliy Texnika Universiteti (БНТУ) yotoqxonasi (mehmonxona turi) – 25 AQSh dollari/kun.Bog‘lanish uchun:+375 29 643 87 48 – Konopatskiy Denis Aleksandrovich+375 29 629 66 12 – Rijova Tatyana ViktorovnaRasmiy veb-sayt: https://www.bntu.by
E'lonlar
101
B.K.Erimbetovning (PhD) dissertatsiyasining himoya majlisiga taklif etamiz
2025 yilning 26 dekabr kuni soat 10:00 da B.K.Erimbetovning (PhD) dissertatsiyasi muhokamasi offline va online (masofaviy) tarzida o’tkazilishi rejalashtirilgan. Shu munosabat bilan sizlarni Toshkent arxitektura-qurilish universiteti qoshidagi DSc.26/30.12.2019.T.11.01 raqamli ilmiy Kengashning himoya majlisiga taklif etamiz. Kun tartibi: Erimbetov Berdimurat Karlibaevichning 05.09.05 - Qurilish materiallari va buyumlari va 02.00.15- Silikat va qiyin eriydigan nometall materiallar texnologiyasi ixtisosliklari bo‘yicha “Uchsay bentoniti va ikkilamchi resurslar asosida keramzit ishlab chiqarishning energosamarador texnologiyasi” mavzusidagi tayyorlagan doktorlik (PhD) dissertatsiyasi himoyasi.
E'lonlar
93
Diqqat e'lon
Professor-o‘qituvchilar va talabalar diqqatiga!18 dekabr 2025 yil soat 18:00 da, Toshkent arxitektura-qurilish universitetining 1-binosi 306-xonada Yong’in xavfsizligini taminlash fanida “Foydalanishga qabul qilingan binolarda yong‘in xavfsizligini ta’minlash” mavzusi bo‘yicha ochiq darsga (ma’ruza) taklif etamiz. MUK68-23АТo’ Ma’ruzachi: “Qurilish va atrof-muhit muxandisligi” kafedrasi professori I.I.Siddikov.
Tadbirlar
83
Korrupsiya – taraqqiyot zavoli!
Toshkent arxitektura-qurilish universitetida “Korrupsiyaga qarshi kurashish madaniyatini shakllantirish bugungi kundagi eng asosiy masala” mavzusida tadbir bo‘lib o‘tdi.Tadbir Korrupsiyaga qarshi kurashish “komplaens-nazorat” tizimini boshqarish bo‘limi bosh mutaxassisi A.M.Saidov, “O‘zbek va xorijiy tillar” kafedrasi v.b. dotsentlari S.E.Atadjanova hamda J.S.Dalakyanlar tomonidan tashkil etildi.Unda Huquqni muhofaza qilish akademiyasi huzuridagi Korrupsiyaga qarshi kurash ilmiy markazi tadqiqotchisi S.B.Po‘latov, Qurilish fakulteti dekani A.J.Abdullaev, professor-o‘qituvchilar va talabalar ishtirok etdilar.Bundan ko‘zlangan asosiy maqsad talabalar va professor-o‘qituvchilar o‘rtasida korrupsiyaga qarshi murosasiz munosabatni shakllantirish, huquqiy ong va huquqiy madaniyatni oshirishdan iborat bo‘ldi.Shuningdek, korrupsiyaning jamiyat va davlat taraqqiyotiga salbiy ta’siri, unga qarshi kurashishda profilaktik chora-tadbirlarning ahamiyati, hamda ta’lim muassasalarida halollik tamoyillarini qaror toptirish masalalari keng yoritib berildi. Ma’ruzachi tomonidan sohada amalga oshirilayotgan islohotlar va ilmiy tadqiqotlar haqida ham ma’lumotlar taqdim etildi.Tadbir yakunida ishtirokchilar bilan savol-javob o‘tkazilib, korrupsiyaga qarshi kurashishda har bir shaxsning shaxsiy mas’uliyati muhim ekanligi ta’kidlandi. Ushbu tadbir korrupsiyaga qarshi kurashish madaniyatini shakllantirish, yoshlar ongida halollik va qonunga hurmat tuyg‘ularini mustahkamlashga xizmat qildi.
-20251224095123.jpg)
Yangiliklar
100
Toshkent arxitektura-qurilish universitetida amaliy mashg‘ulot doirasida ekskursiya tashkil etildi
Toshkent arxitektura-qurilish universiteti “Shahar infratuzilmasi” kafedrasi katta o‘qituvchisi, texnika fanlari falsafa doktori (PhD) O‘rinov Murodjon Zayni o‘g‘li tomonidan “Shaharsozlikda qayta tiklanuvchi energiya manbalari” fanidan talabalar uchun amaliy mashg‘ulot doirasida ekskursiya tashkil etildi. Mazkur ekskursiya shaharlarni loyihalashtirish jarayonida qayta tiklanuvchi energiya manbalaridan foydalanish bo‘yicha nazariy bilimlarni amaliy tajriba bilan mustahkamlash maqsadida tashkil etildi. Uchrashuv davomida talabalar O‘zbekiston Respublikasi Energetika vazirligi huzuridagi Qayta tiklanuvchi energiya manbalari milliy ilmiy-tadqiqot instituti faoliyati, olib borilayotgan ilmiy tadqiqotlar hamda sohadagi ilg‘or texnologiyalar bilan yaqindan tanishdilar.
Tadbirlar
93
Korrupsiyaga qarshi kurash – umumiy mas’uliyat
Toshkent arxitektura-qurilish universitetida talabalar ishtirokida korrupsiyaga qarshi profilaktik tadbir tashkil etildi. Tadbirda universitetning Korrupsiyaga qarshi kurashish “komplaens-nazorat” tizimini boshqarish bo‘limi boshlig‘i M. Isakdjanov hamda universitet profilaktika katta inspektori, mayor A. Shodiyev ishtirok etdi.Uchrashuv davomida talaba-yoshlarga korrupsiyaning jamiyat rivojiga salbiy ta’siri, huquqbuzarliklarning oldini olish mexanizmlari, shuningdek halol hayot tarzini qaror toptirish va akademik halollik tamoyillariga rioya etish masalalari yuzasidan batafsil tushuntirishlar berildi. Tadbir ochiq muloqot ruhida o‘tkazilib, talabalar tomonidan bildirilgan savollarga mutasaddi mutaxassislar tomonidan atroflicha javoblar qaytarildi. Uchrashuv talabalarda korrupsiyaga nisbatan murosasiz munosabatni shakllantirish hamda huquqiy ong va madaniyatni yuksaltirishga xizmat qildi.