Kafedra faoliyati:

“Qurilish muhandisligi” kafedrasida bugungi kunda asosiy shtatda 4 nafar professor, 11 nafar texnika fanlari bo‘yicha falsafa doktori va dotsentlar, 3 nafar katta oʼqituvchilar faoliyat ko‘rsatib kelmoqdalar. Bugungi kunda kafedraning ilmiy salohiyati 83 foizni tashkil etadi. Ushbu professor-o‘qituvchilar tomonidan hozirgi kungacha “Qurilish” sohalariga oid bir qancha darslik, o‘quv qo‘llanmalar, uslubiy ko‘rsatmalar, monografiyalar va ilmiy maqolalar nashr etilgan.

Hozirgi kunda kafedrada 60730300 – “Qurilish muhandisligi: bino va inshootlar qurilishi” hamda 60730300 – “Qurilish muhandisligi: neft gazni qayta ishlash sanoati obektlari qurilishi” ta’lim yo‘nalishlari bo‘yicha bakalavr, 70730307 – “Bino va inshootlarni konstruktiv loyihalash” hamda 70730301-“Qurilish muhandisligi” mutaxassisliklari bo‘yicha magistrlar tayyorlab kelinmoqda.

Shu kunlarda kafedrada 2 nafar doktorant, 6 nafar tayanch doktorant, va 60 nafar magistrlar ilmiy-tadqiqot ishlarini olib bormoqdalar.

Kafedra professor-o‘qituvchilari universitetda o‘qitilayotgan talabalarga 20 dan ortiq fanlardan ta’lim berib kelmoqdalar. Kafedrada o‘quv jarayoni zamonaviy darslik va o‘quv adabiyotlari bilan ta’minlangan. So‘nggi uch yilda fanlardan 10 dan ortiq darslik, 15 dan ortiq o‘quv qo‘llanmalar 11 ta monografiyalar nashr etildi. Kafedra professor-o‘qituvchilari tomonidan o‘qitiladigan barcha fanlardan o‘quv uslubiy majmualar yaratilib, o‘quv jarayoniga joriy qilindi va elektron adabiyot shaklida talabalarga yetkazildi.

Kafedrada so‘nggi yillarda ilmiy ishlar natijalarini o‘quv jarayoniga tadbiq  qilishga alohida e’tibor berilmoqda.

Kafedrada ishlab chqarish bilan innovatsion korparativ hamkorlikni rivojlantirish maqsadida har yili 20 dan ortiq qurilish tashkilotlari bilan xo‘jalik shartnomalari asosida ilmiy hajmdor ishlar bajarib kelinmoqda.

Ilmiy tadqiqot ishlari natijalari asosida kafedra professor-o‘qituvchilaridan 7 nafari texnika fanlar falsafa doktorlik ilmiy ishlarini himoya qildilar. Bundan tashqari 3 nafar professor va 9 nafar dotsent ilmiy unvoniga sazovor bo‘lishdi.   

Kafedrada “Bino va inshootlarni seysmik va konstruksion xavfsizligini ta’minlash metodologiyasini takomillashtirish” bo‘yicha rejali ilmiy-tadqiqot ishlari olib borilmoqda.

Keyingi yillarda kafedra olimlari tomonidan Bino va inshootlarni seysmik va konstruksion xavfsizligini ta’minlash metodologiyasini takomillashtirish bo‘yicha meyoriy hujjatlar tayyorlandi.

Talabalarni amaliyotga yo‘naltirish maqsadida “KONSTRUKTORLIK BYUROSI” MChJ hamda “TURON PROJECT-GROUP” MChJlar bilan hamkorlikda dual ta’lim yo‘lga qo‘yildi.

Shuningdek ishlab chiqarish bilan ta’lim orasidagi integratsiyani yo‘lga qo‘yish maqsadida, o‘rindoshlik asosida quyidagi malakali mutaxassislar kafedrada dars mashg‘ulotlarini olib borishga jalb qilingan.

Kafedrada tashkillashtirilgan ishlab chiqarish va bitiruv oldi, texnologik geologik amaliyotlarini o‘tkazish bo‘yicha “O‘zog‘irsanoatloyixa” AJ, “Tashgiprogor” AJ, “Golden Project” XK, “Perfect Consult” MChJ, “Diyor proekt PRO” MChJ, “Forze Alp” MChJ, “KONSTRUKTORLIK BYUROSI” MChJ, “BETOMAX BETON” MChJ, “BURG”UVCHI BIZNES” MChJ, “Turon Project group” MChJ, “AXIS” MChJ, “ZIKKURAT” MchJlar korxonalar bilan shartnomalar tuzilgan:

Kafedraning AJ “Uzog‘irsanoatloyiha” institutida kafedra filiali mavjud bo‘lib, 2010 yil 28 oktyabrda tashkil etilgan. Kafedrada bakalavr va magistrlar uchun “Qurilish konstruksiyalari” fanidan tajriba ishlari, iqtidorli talabalar uchun ilmiy-tadqiqot ishlarini bajarish uchun barcha sharoitlar mavjud. Bakalavr bitiruv ishlari va magistrlik dissertatsiyalarini himoyalari mazkur kafedra filialida himoya qilinadi.