Bo'limning asosiy vazifalari va funksiyalari:

    I. Ichki audit xizmatining asosiy vazifalari va funksiyalari

    1.1. Quyidagilar ichki audit xizmatining asosiy vazifalari hisoblanadi:

• kuzatuv kengashni ishonchli axborot bilan ta’minlash va ichki audit amalga oshirilishi natijalari bo‘yicha universitet faoliyatini takomillashtirishga doir takliflarni tayyorlash;
• ichki audit jarayonida aniqlanadigan kamchiliklarni bartaraf etish yuzasidan universitet boshqaruvga tavsiyalarni tezkorlik bilan kiritish, ularning bartaraf etilishini nazorat qilish.

    1.2. Quyidagilar ichki audit xizmatining asosiy funksiyalari hisoblanadi:

• har yili universitetning kuzatuv kengashi tomonidan tasdiqlanadigan rejaga muvofiq mazkur Nizomning 12-bandida ko‘rsatilgan yo‘nalishlar bo‘yicha tegishli tekshirishlar o‘tkazish yo‘li bilan ichki auditni amalga oshirish (har chorakda va hisobot yili yakunlari bo‘yicha);
• tuziladigan xo‘jalik shartnomalarining qonun hujjatlariga muvofiqligi yuzasidan ekspertiza o‘tkazish;
• buxgalteriya hisobini yuritishda va moliyaviy hisobotni tuzishda universitetning tarkibiy bo‘linmalariga metodik yordam berish, ularga moliya, soliq, bank qonunlari va boshqa qonun hujjatlari masalalari bo‘yicha maslahatlar berish;
• texnik topshiriqlarni ishlab chiqishda, auditorlik tashkilotlarining takliflarini baholashda hamda auditorlik tekshirishlarini o‘tkazish uchun auditorlik tashkilotini tanlashda tavsiyalarni tayyorlashda universitetning kuzatuvchi kengashiga ko‘maklashish.

    II. Ichki audit xizmatining huquq va majburiyatlari

    1.3. Ichki audit xizmati quyidagi huquqlarga egadir:

• ichki auditni amalga oshirish davomida paydo bo‘ladigan masalalar bo‘yicha universitetning hujjatlarini (rahbarning buyruqlari, farmoyishlari, boshqaruv organlari qarorlari, ma’lumotnomalar, hisob-kitoblar, zarur hujjatlarning tasdiqlangan nusxalari va boshqa hujjatlarni), universitet mansabdor va mas’ul shaxslaridan og‘zaki va yozma tushuntirishlar olish;
• ichki auditni o‘tkazishga ko‘maklashish uchun universitetning tegishli mutaxassislarini jalb etish.

    III. Ichki audit xizmati quyidagilarga majbur:

    1.4. ichki auditni amalga oshirishda mazkur Nizom va boshqa qonun hujjatlari talablariga rioya qilish;

• mazkur Nizomning 13—18-bandlarida belgilangan talablarga muvofiq hisobotlar tuzish;
• moliya va statistika hisoboti ko‘rsatkichlarining ishonchliligini tekshirish;
• ichki auditni amalga oshirishda olingan axborotning maxfiyligiga rioya qilish;
• Universitetning mansabdor shaxslari va boshqa xodimlari tomonidan zarar yetkazilganidan dalolat beruvchi holatlar aniqlangan taqdirda bu haqda darhol korxonaning kuzatuvchi kengashiga xabar berish va auditorlik hisobotida tegishli yozuvni qayd etish;
• aktivlarni xatlovdan o‘tkazishda va qonunda belgilangan tartibda uning o‘z vaqtida amalga oshirilishini nazorat qilishda ishtirok etish.
• Ichki audit xizmati qonun hujjatlariga va universitetning ta’sis hujjatlariga muvofiq boshqa majburiyatlarga ham ega bo‘lishi mumkin.