Xalqaro malakalar va baholash markazi (IQAC) tashabbusi bilan Toshkent Arxitektura-qurilish universitetida Britaniya ta'lim standardlari (RQF) asosida yangi professional dasturlarini joriy etish bo'yicha hamkorlik yo'lga qo'yilmoqda.

Uchrashuv doirasida universitet rektori Dr. Bahrom To'laganov , IQAC direktori Xusnidin Xomidov , University of Wolverhampton vitse-kansleri Professor Ebrahim Adia va Xalqaro aloqalar bo'limi rahbari Dr. Robin Carey o'zaro muzokaralar olib bordilar.

Uchrashuv yakunida O‘zbekiston oliy taʼlim tizimini xalqaro standartlarga moslashtirish, Toshkent Arxitektura-qurilish universitetida 1+3 va 3+1 formatidagi professional dasturlarni joriy etish, shuningdek, IQAC hamkorligida University of Wolverhampton’ning O‘zbekistondagi rasmiy taʼlim markazini (Delivery Centre) tashkil etish orqali talabalar uchun Britaniya diplomini olish imkoniyatini yaratish bo‘yicha kelishuvga erishildi.

Tomonlar mazkur tashabbus O'zbekistonda ta'lim sifatini oshirish, xalqaro hamkorlikni kengaytirish hamda mamlakatning mintaqaviy ta'lim markaziga aylanishida muhim qadam bo'lishini ta'kidladilar.