Strategik rivojlatirish bo‘limi
Suvonqulov Akbar Otamurot o‘g’li
Bo'limning tashkil etilish tarixi:
Strategik rivojlantirish bo‘limining tashkil etilishi O‘zbekiston Respublikasi oliy ta’lim tizimini xalqarolashtirish, ta’lim sifatini oshirish va milliy universitetlarni nufuzli xalqaro reytinglarga kiritish bo‘yicha amalga oshirilayotgan davlat islohotlari bilan chambarchas bog‘liq. Universitet transformatsiyasi jarayonida boshqaruvning zamonaviy usullarini joriy etish, xalqaro investitsiyalarni jalb qilish va Toshkent arxitektura-qurilish universitetining global maydondagi ijobiy imijini shakllantirish ehtiyoji ushbu maxsus tuzilmaning joriy etilishiga huquqiy va amaliy asos bo‘lib xizmat qildi. Bugungi kunda bo‘lim universitetning tezkor va strategik rejalarini amalga oshirishda asosiy muvofiqlashtiruvchi markaz hisoblanadi.
Toshkent arxitektura-qurilish universitetining (TAQU) Strategik rivojlantirish bo‘limi — universitetning uzoq muddatli istiqbollarini shakllantiruvchi, ta'lim va tadqiqot jarayonlarini xalqaro standartlarga moslashtiruvchi hamda muassasaning global miqyosdagi raqobatbardoshligi va investitsiyaviy jozibadorligini ta'minlovchi muhim tarkibiy bo‘linmadir. Bo‘lim yuridik shaxs maqomisiz faoliyat yuritadi, bevosita universitet rektoriga bo‘ysunadi va barcha fakultetlar, kafedralar hamda xorijiy hamkorlar bilan uzviy aloqada ish olib boradi.
Asosiy maqsad va vazifalari:
Bo‘limning bosh maqsadi — universitetni strategik
rivojlantirish rejalari va yillik dasturlarini muvofiqlashtirish, ularning
ijrosini doimiy monitoring qilish hamda Xalqarolashtirish strategiyasini
amaliyotga joriy etishdan iborat.
Asosiy vazifalar qatoriga quyidagilar kiradi:
- Xalqaro e'tirof va reytinglar: Universitet rasmiy veb-saytini Webometrics xalqaro
reytingining Top-1000 talik ro‘yxatiga kiritish choralarini ko‘rish hamda TAQU
(ACTA) ilmiy jurnalini xalqaro tan olingan ilmiy-texnik bazalarda
indeksatsiyalash.
- Axborot siyosati va PR: Ommaviy axborot vositalari, ijtimoiy tarmoqlar va
rasmiy veb-sayt orqali universitet faoliyatini yoritish, brifing va mediaturlar
tashkil etish, shuningdek, talabalar va jamoatchilik fikrini o'rganish.
- Xalqarolashtirish: Xorijiy fuqarolarni universitetda ta’lim olishga keng
jalb qilish borasida maxsus PR-loyihalar va targ‘ibot ishlarini tashkil etish,
xalqaro loyihalardagi ishtirokni kengaytirish.
- Investitsiyaviy jozibadorlik: Universitetning investitsiya dasturlarini tayyorlash,
natijadorlikni monitoring qilish va yillik investitsiyalarni baholash.
Asosiy faoliyat yo'nalishlari (funksiyalari):
- Bo‘lim universitet ma'muriyati va ilmiy kengashiga
muhim tahliliy va tashkiliy ko'mak beradi:
- Tarkibiy bo‘linmalar va kafedralar faoliyatining joriy
va istiqbolli rejalarini ishlab chiqishni muvofiqlashtirish.
- Universitet ta’lim xizmatlariga ta’sir etuvchi tashqi
va ichki omillarni o‘rganish, qoniqish darajasini tahlil qilish va yangi
xizmatlarni joriy etish bo'yicha takliflar kiritish.
- Universitet strukturasini takomillashtirish va
bo‘limlar maqomini o‘zgartirish bo‘yicha rasmiy takliflar tayyorlash.
- Universitet faoliyatiga oid barcha turdagi (matnli,
foto, audio, video) ma’lumotlar bazasini shakllantirish va uzluksiz yangilab
borish.
Huquq va majburiyatlari:
O'z vazifalarini to'laqonli bajarish maqsadida bo'lim
universitetning barcha bo'linmalaridan zarur ma'lumotlarni olish, tasdiqlangan
strategik dasturlar ijrosi yuzasidan kafedralar faoliyatini nazorat qilish,
shuningdek, mahalliy va xorijiy tashkilotlar bilan hamkorlik o'rnatish huquqiga
ega. Shu bilan birga, bo'lim qisqa va uzoq muddatli rejalarni ishlab chiqish,
barcha tuzilmalarga uslubiy yordam ko'rsatish va rektor hamda Ilmiy kengash
oldida doimiy hisobdor bo'lish majburiyatini oladi. Bo'lim ishiga bevosita
Rektor buyrug'i bilan tayinlanadigan Bo'lim boshlig'i rahbarlik qiladi.