Bo'lim faoliyati

    Arxiv mudiri asosiy vazifalari quyidagilardan iborat:

• Umumiy qoidalar - Arxiv mudiri universitetda arxiv faoliyatini boshqaradi. Tashkilot rahbarining buyrug‘i bilan lavozimga tayinlanadi va ozod etiladi. Bevosita rahbarga (direktor yoki bo‘lim boshlig‘iga) bo‘ysunadi. Oliy ma’lumotga (tarix, arxivshunoslik, hujjatshunoslik yoki yuridik yo‘nalish) ega bo‘lishi maqsadga muvofiq.
• Lavozim vazifalari - Arxiv ishini tashkil etish va boshqarish hujjatlarni qabul qilish, ro‘yxatga olish va saqlashni nazorat qilish. Doimiy, uzoq muddatli va vaqtincha saqlanadigan hujjatlarni ajratib hujjatlarni davlat arxiviga topshirishga tayyorlaydi. Arxiv hujjatlarining saqlanish sharoitini ta’minlab, elektron arxiv tizimini joriy etish va nazorat qilish hamda arxiv bo‘yicha hisobotlar tayyorlaydi.
• Huquqlari - Tarkibiy bo‘linmalardan hujjatlarni o‘z vaqtida topshirishni talab qilish. Arxiv ishini takomillashtirish bo‘yicha takliflar kiritish. Hujjatlarning saqlanishi bo‘yicha tekshiruv o‘tkazish.
• Javobgarligi - Hujjatlarning yo‘qolishi yoki shikastlanishi. Arxiv qonunchiligi talablariga rioya qilmaslik. Maxfiy ma’lumotlarni oshkor etish.

    Arxivariusning asosiy vazifalari quyidagilardan iborat:

• Umumiy qoidalar - Arxivarius arxiv mudiriga bo‘ysunadi. O‘rta maxsus yoki oliy ma’lumotga ega bo‘lishi kerak. Hujjatshunoslik asoslarini bilishi zarur.
• Lavozim vazifalari - Hujjatlarni qabul qilish va tartibga solish. Inventarizatsiya (ro‘yxatga olish) ishlarini olib borish. Arxiv fondlari va yig‘majildlarini shakllantirish. Foydalanuvchilarga arxiv ma’lumotnomalarini tayyorlash. Hujjatlarni saqlash sharoitini ta’minlash. Elektron bazaga ma’lumotlarni kiritish.
• Huquqlari - Hujjatlarni to‘liq va sifatli topshirishni talab qilish. Kamchiliklar haqida rahbariyatga axborot berish.
• Javobgarligi - Hujjatlarni noto‘g‘ri rasmiylashtirish. Saqlash tartibini buzish. Ichki mehnat tartib-qoidalariga rioya qilmaslik.