Toshkent arxitektura-qurilish universitetida O‘zbekiston Ekologik partiyasi Markaziy Kengashi Ijroiya qo‘mitasi hamda Muhandislik fakulteti “Qurilish va atrof-muhit muhandisligi” kafedrasi hamkorligida talaba-yoshlar ishtirokida “22-may – Xalqaro biologik xilma-xillik kuni”ga bag‘ishlab davra suhbati tashkil etildi. Tadbirda O‘zbekiston Respublikasi Oliy Majlisi Qonunchilik palatasi deputati Yusupov Navruzbek Muqimjonovich, O‘zbekiston Ekologik partiyasi mutaxassisi Hamroyev Nusrat Ixtiyorovich hamda universitet Yoshlar masalalari va ma’naviy-ma’rifiy ishlar bo‘yicha prorektori Mardov Sanjar Xudoyqulovich ishtirok etdi. Uchrashuv davomida biologik xilma-xillik va ekologik muammolarga oid muhim ma’lumotlar taqdim etildi. Suhbat yakunida mutaxassislar va talabalar o‘rtasida qiziqarli savol-javoblar bo‘lib o‘tdi. Tadbirda faol ishtirok etganlar Ekologik partiyasi Markaziy Kengashi tomonidan esdalik sovg‘alari bilan taqdirlandilar.